المساعد الشخصي الرقمي

مشاهدة النسخة كاملة : أشعار محمد الحسن سالم حميد


الوالي
04-13-2012, 10:14 AM
هذه بعض من اشعار الشاعر القامه محمد الحسن سالم حميد ربنا يرحمه ويتقبله القبول الحسن
سوف أنزلها تباعا إن شاءالله


ولكم ودي

الوالي
04-13-2012, 11:49 AM
آخر اشعاره
وطني البموت

هاك المتاح من تضحيات
هاك كل شئ من بعض
حلم أهلي المباح
هات الصباح ياكل شئ
يامشتهايا وكت أدور
يامنتهايا محل أدور
دمي البحرسو من الصقور
لحمي البحاحيلو الحدي
نغمي البلاهو ولاطيور صدحن ولانقرش نقي
ياهو الببيض إنساني من نهر اليصول
ماهو العريض الحاني زي فجر البتول
وطني النقيض لي غالي أنظمت العهول
وطني الخجول بالعات من زمن المريض
كل الظلال سوداااااء ونوايا القلب بيض
كل العروق خضراااااء وحبال الود وريد
ماهي الدقون حمراااااء وسماح في الزول شهيد
زهوي الكفاني القندفه
خطوي المواطن حر
ولا قادل علي قيد إنكفي
رطني الغني علنا ورقصوا بلا خفا
وطني العبير الفقري والعاقر وفي
ماهو البصلني وصل حفا
ماشيد الطاقوت مدارات من جفا
وطني الوطن وطني وكفي
مامدي قيد بي فجر المسيح مختوم بمسري المصطفي
وطني وكفي
يامن تراني ولا أراك وأقرب لي من حبل الوريد
وطني أو الحجر الأكيد
يارحلين بالغنوه في ساعه هوين ماشفتوا لي في الشفتوا في
زولي الملامو محنه كتر الريده قي
قلدي سلامو الحني شالت في إيدي
ياالمن بقيت قصرت فيكا
تصيدني صي
يومي البقول شت قلع
من صبحت وشيكا تزيدني سي
ياالله وين في الدنيا زي
وطني البموت
وطني البموت
وطنـــي البمووووووت
وبخليل حــــــي

الصادق محمد
04-13-2012, 12:07 PM
مشكور ابن عمي
ومحمد الحسن من النوادر في السودان
وربنا يرحمه رحمه واسعه

الوالي
04-13-2012, 01:28 PM
مشكور ابن عمي
ومحمد الحسن من النوادر في السودان
وربنا يرحمه رحمه واسعه

شكرا الصادق علي المرور الجميل

ودالبلة
04-13-2012, 01:36 PM
الوالي
شكرا على هذه المساحة الطيبة

رحم الله حميد واسكنه فسيح الجنان
واصل فالرجل يحتاج اكبر امكانياتنا في التوثيق له هنا

القصيدة دي اول مره اقراها

الوالي
04-13-2012, 01:50 PM
الوالي
شكرا على هذه المساحة الطيبة

رحم الله حميد واسكنه فسيح الجنان
واصل فالرجل يحتاج اكبر امكانياتنا في التوثيق له هنا

القصيدة دي اول مره اقراها

تسلم ياحبيب
حقيقه عاوز جهد كبير مننا
ارجو ان تمدنا انت ياغالي
والقصيده دي ألقاها قبل يومين من وفاته في مروي في امسيه شعريه وكانت آخر اشعاره وآخر ما ألقاهو شعر انا سمعتها صوتا وكتبتها من سمعي لها فقط
وكانت حكمه آخر ما قاله
وطني الحجر الأكيد
وطني البمووت وبخليك حي
الحجر كان سبب حادث العربه الذي تقله من مروي إلي الخرطوم
و مات وخلي وطنه حي

محمد إبو فاطنة
04-19-2012, 03:45 PM
جمال حميد انو مشئ وخلى كل شئ وراهو ينده بي جمال ما كتب
رحم الله الشاعر حميد بقدر ما قدم لوطنه واهله الغبش
ووهب ذنوبه لحسناته فكفت ووفت واعتقته من نار ربه برحمة ربه ... امين .

الوالي
06-09-2012, 09:57 AM
إتاخرت عليكم في تنزيل أشعار محمد الحسن سالم
سوف أنزلها تباعا إن شاءالله

الوالي
09-30-2012, 01:48 PM
فووووووووووووووق

الوالي
10-18-2012, 10:32 AM
البوست ده ماشفتو
ارفعو ياخ

الوالي
11-07-2012, 08:20 AM
ﺤﻮﻳﺔ.
ﻭﻛﻨّﺎ ﻧﺴﻨّﺪ ﻓﻲ ﺍﻟﻤﺤﺮﻭﺕ
ﻓﺠﺄﺓ ﻳﺪﻭﻱ ﻣﻜﺒﺮ ﺻﻮﺕ
ﻗﺎﻝ ﺍﻟﺮﻳﺲ ﻣﺎﺭ ﺑﻲ ﻓﻮﻗﻨﺎ
ﻣﻦ ﺷﻐﻠﺘﻨﺎ ﻗﻠﻌﻨﺎ ﻋﺮﻭﻗﻨﺎ
ﺇﻥ ﺷﻐﻠﺘﻨﺎ ﺑﻼ ﻣﺎﺭﻭﻗﻨﺎ
ﻓﻜّﻴﻨﺎﻟﻮ ﺣﺒﻞ ﻭﺍﺳﻮﻗﻨﺎ
ﻭﺇﻧﻤﺎﺳﻜﻨﺎ ﻳﻄﻤّﻦ ﺭﻭﻗﻨﺎ
ﻗﻤﻨﺎ ﺟﻤﻴﻊ ﺍﻟﺤﻠﺔ ﻣﺮﻗﻨﺎ
ﺍﻟﺒﻴﺸﻮﻓﻨﺎ ﻳﻘﻮﻝ ﻭﺍ ﺷﻮﻗﻨﺎ
ﻛﺎﻥ ﺿﺤﻮﻳﺔ
ﻭﻛﺎﻧﺖ ﻋﻴﻦ ﺷﻤﺶ ﺍﻟﻠﻪ ﻗﻮﻳﺔ
ﻭﻛﺎﻥ ﺍﻟﺮﻳﺲ ﻓﻲ ﻋﺮﺑﻴﺔ
ﻭﺍﻗﻒ ﻃﻮﻟﻮ ﺗﺤﺖ ﺷﻤﺸﻴﺔ
ﻫﻠﻠﻨﺎﻟﻮ ﻭﻫﻠﺠﻨﺎﻟﻮ..
ﻭﻟﻮﺣﻨﺎﻟﻦ ﺑﺎﻟﻄﻮﺭﻳﺔ
ﻓﺮّ ﻋﺒﺎﻳﺘﻮ ﻭﻫﺰّ ﻋﺼﺎﻳﺘﻮ
ﻭﻫﺰّﻭ ﺑﻨﺎﺩﻗﻦ ﺍﻟﻀﺎﺑﻄﻴﺔ
ﺻﻔﻘﻨﺎﻟﻦ ﺻﻔﻘﺔ ﻗﻮﻳﺔ
ﺯﻏﺮﺩﻧﺎﻟﻦ..
ﻭﻫّﺪﻥ ﻋﻨﺪﻧﺎ ﺧﻤﺴﺔ ﺩﻗﺎﺋﻖ
ﻗﺪﻣﻨﺎﻟﻮ ﻛﺘﺎﺏ ﺍﻟﻠﻪ
ﺩﺭﻗﺔ ﻭﺳﻴﻒ..ﺗﺒﺮﻭﻗﺔ ﻫﺪﻳﺔ
ﻗﻔﺔ ﺗﻤﻮﺩﺓ..ﻭﻓﺎﺱ ﺩﻫﺒﻴﺔ
ﻭﻛﻨﺎ ﻗﺒﻞ ﺑﻴّﺘﻨﺎ ﺍﻟﻨﻴﺔ
ﻭﺑﻴﻦ ﺑﻨﺘﻴﻦ ﻋﻠّﻴﻨﺎ ﺍﻟﻴﺎﻓﻄﺔ
ﺍﻟﻴﺎﻓﻄﺔ ﺍﻡ ﺯﻳﻖ ﺍﻟﺪﻣﻮﺭﻳﺔ
ﻭﺍﻧﻌﺒﻴﻨﺎ ﻫﺘﺎﻓﺎً ﻭﺍﺣﺪ:
)ﺍﻟﺠﺎﺑﺮﻳﺔ ﺗﺤﻲ ﺍﻟﺜﻮﺭﺓ
ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
ﻭﺍﻟﺸﻔﺨﺎﻧﺔ ﻭﺳﻮﻕ ﻣﻨﻀﺒﻄﺔ(
ﺭﻭﺡ ﺑﺎﺳﻢ
ﻗﺎﻡ ﺧﺎﻃﺒﻨﺎ
ﺑﻨﻬﺞ ﺍﻟﺜﻮﺭﺓ ﺍﻟﺼﺎﺭﻡ ﻭﺣﺎﺯﻡ
ﺃﻣّﻦ ﻻﺯﻡ ﻣﻦ ﺷﻔﺨﺎﻧﺔ ﻭﺍﻟﺘﻌﻤﻴﺮ ﺑﺎﻟﻌﻮﻥ
ﺍﻟﺬﺍﺗﻲ
ﺃﻣّﻦ ﻻﺯﻡ ﻣﻦ ﺷﻔﺨﺎﻧﺔ ﻭﻣﺪﺭﺳﺔ ﻭﺳﻄﻰ
ﻭﺍﻟﺘﻌﻤﻴﺮ ﺑﺎﻟﻌﻮﻥ ﺍﻟﺬﺍﺗﻲ
ﺇﻻ ﺍﻟﺒﻮﺳﻄﺔ ﺩﻱ ﻳﻨﻈﺮ ﻓﻴﻬﺎ
ﺍﻣﺎ ﺍﻟﺴﻮﻕ..ﺍﻟﺴﻮﻕ ﻣﻨﻀﺒﻄﺔ
ﻭﺑﺎﻟﺘﺄﻛﻴﺪ..ﻟﻠﺘﺠﺎﺭ ﺍﻷﺳﻌﺎﺭ ﻭﺍﺿﺤﺔ
ﻟﻠﻤﺴﺘﻬﻠﻚ ﺑﺎﻳﻨﺔ ﻭﻭﺍﺿﺤﺔ
ﻭﺇﻥ ﺟﺎﻣﻠﺘﻮﻫﻦ ﺗﺒﻘﻰ ﺍﻟﻐﻠﻄﺔ
ﺇﻧﻜﻴﻔﻨﺎ..ﺭﻓﻌﻨﺎ ﺇﻳﺪﻳﻨﺎ ﻭﻫﺰﻳﻨﺎﻫﻦ ﺑﺎﻟﺘﺄﻳﻴﺪ:
)ﻻ ﺗﻔﺮﻳﻂ ﻓﻲ ﻗﻮﺕ ﺍﻟﺸﻌﺐ
ﺳﺤﻘﺎً ﺳﺤﻘﺎً ﻟﻠﺮﺟﻌﻴﺔ
ﺍﻟﺠﺎﺑﺮﻳﺔ ﺿﺮﺍﻉ ﺍﻟﺜﻮﺭﺓ
ﺑﺎﻹﻧﺘﺎﺝ ﺣﺎ ﻧﺒﻨﻲ ﺑﻠﺪﻧﺎ(
ﻭﻛﺎﻧﻮﺍ ﻓﻲ ﺟﻴﻬﺔ ﻭﻧﺤﻨﺎ ﻓﻲ ﺟﻴﻬﺔ
ﻫُﻦ ﺇﻧﻬﺒﺒﻮ ﺑﺎﻟﻜﺎﺑﺎﺕ..
ﻭﻣﺎ ﻫﻤﺎﻧﺎ ﺍﻟﺼﻴﻒ ﻭﻋﺮﻗﻨﺎ
ﻓﺎﺕ ﺍﻟﺮﻳﺲ ﻭﺍﻧﻔﺮﺗﻘﻨﺎ
ﺍﻧﻔﺮﻗﻨﺎ ﻋﻠﻰ ﺍﻟﺠﺎﺑﺮﻳﺔ
ﻛﻠﻨﺎ ﻧﻨﻀﻢ ﻭﻣﺎ ﺻﺪﻗﻨﺎ
ﺑﺎﻟﺠﺎﺑﺮﻳﺔ ﺗﺠﻴﻬﺎ ﺍﻟﺒﻮﺳﻄﺔ
ﺍﻟﺸﻔﺨﺎﻧﺔ ﻭﻣﺪﺭﺳﺔ ﻭﺳﻄﻰ
ﻗﻠﻨﺎ ﻳﺎ ﺭﻳﺖ ﻟﻮ ﺯﺍﺭﻧﺎ ﻓﻄﻮﺭ
ﻭﺍﻧﺤﺰﻣﻨﺎ ﺿﺒﺤﻨﺎ ﺍﻟﺘﻮﺭ
ﻛﻨﺎ ﺍﻗﻼّ ﺿﻤﻨّﺎ ﺍﻟﻨﻮﺭ
ﺃﻭ ﻳﺎﺭﻳﺖ ﻟﻮ ﺯﺩﻧﺎ ﺍﻟﺼﻔﻘﺔ ﻭﻋﺎﺵ
ﻭﻳﺴﻘﻂ ﻭﻳﻮﻳﺔ ﺍﻟﻴﻮﻳﺔ
ﻛﻨﺎ ﺃﻗﻼّ ﺿﻤﻨﺎ ﺍﻟﻤﻮﻳﺔ
ﻛﻨﺎ ﺑﻨﻨﻀﻢ ﺑﻲ ﺇﻳﺪﻳﻨﺎ
)ﺩﻩ ﺃﺣﺴﻦ ﺭﻳﺲ ﻣﺮّ ﻋﻠﻴﻨﺎ(
ﻣﻦ ﺍﻟﻠﻪ ﺧﻠﻘﻨﺎ ﻭﺷُﻔﻨﺎ ﺧﻠﻘﻨﺎ.
ﺩﻩ ﺃﻭﻝ ﺭﻳﺲ ﺫﺍﺗﻮ ﻳﺠﻴﻨﺎ
ﻭﻛﻮﻧﻪ ﻳﺠﻴﻨﺎ ﻳﻘﻨّﺐ ﺑﻴﻨﻨﺎ..
ﻳﺸﻮﻑ ﺍﻟﺒﻴﻨﺎ..ﻛﻔﺎﻳﺔ ﻋﻠﻴﻨﺎ
ﺁ ﺍﻟﺠﺎﺑﺮﻳﺔ ﻳﺠﻮﻛﻲ ﺍﻟﺤﻜﻤﺎﺀ
ﺁ ﺍﻟﺠﺎﺑﺮﻳﺔ ﺗﻮﺍﺻﻠﻲ ﺍﻟﺒﺮﺓ
ﺁ ﺍﻟﺠﺎﺑﺮﻳﺔ ﻭﻻﺩﻙ ﺗﻘﺮﺍ
ﻧﻤﺸﻲ ﺍﻟﻠﻴﻠﺔ ﻧﺼﺎﻗﺮ ﺍﻟﺮﺍﺩﻱ
ﻧﻤﺸﻲ ﺍﻟﻠﻴﻠﻲ ﻧﺤﻀﺮ ﺍﻟﻨﺸﺮﺓ
ﻛﻨﺎ ﻧﺮﺟﻊ ﻓﻲ ﻛﻠﻤﺎﺗﻮ
ﺇﻻ ﻓﻲ ﺳﺘﺔ ﻣﻦ ﺍﻟﺠﺎﺑﺮﻳﺔ
ﻗﺎﻟﻮﺍ ﺗﻌﺒﻜﻢ ﺧﺎﺭﻡ ﺑﺎﺭﻡ
ﻳﺬﻫﺐ ﺣﺎﻛﻢ ﺧﻠﻒ ﺍﻟﺤﺎﻛﻢ
ﻭﺍﻟﺠﺎﺑﺮﻳﺔ ﺗﻈﻞ ﻓﻲ ﺣﺎﻻ
ﺣﻠﺔ ﺣﻴﺎﺗﻬﺎ ﺗﺴﺮ ﺍﻟﻈﺎﻟﻢ
ﺻﺪﻓﺔ ﺗﻤﻮِّﺕ ﻭﺗﺤﻴﺎ ﺍﻃﻔﺎﻻ
ﻻ ﺟﻠﻜﻮﺯ ﻻ ﺗﻘﺮﺍ ﺭﺳﺎﻟﺔ
ﻻ ﺭﺍﺡ ﻳﻄﻠﻊ ﻣﻨﻬﺎ ﻋﺎﻟﻢ
ﻣﺎ ﺑﻴﻨﺼﻔﻜﻦ ﺇﻻّ ﺿﺮﺍﻋﻜﻦ
ﻋﺒّﻮ ﺿﺮﺍﻋﻜﻢ ﻳﺎ ﺭﺟّﺎﻟﺔ
ﻭﺧﻠﻮ ﺑﺼﺮﻛﻦ ﺩﻏﺮﻱ ﻭﺳﺎﻟﻢ
ﺣﻜﻢ ﺍﻟﻌﺴﻜﺮ ﻣﺎ ﺑﻴﻨﺸﻜّﺮ
ﻛﻠّﻪ ﺩﺭﺍﺩﺭ..ﻛﻠّﻮ ﻣﻈﺎﻟﻢ
ﻣﺎ ﻫﻮ ﻗﺪﺭﻛﻦ ﺗﺤﻴﻮ ﻫﻤﺎﻟﺔ
ﻣﻘﺼﻮﺩﻳﻦ ﻭﺍﻟﻘﺎﺻﺪ ﻓﺎﻫﻢ
ﻭﻗﺎﻃﻌﻨﺎﻫﻦ..ﺣﺎﺭﺑﻨﺎﻫﻦ
ﺗﻤّﻴﻨﺎﻫﺎ ﺍﻟﺒﻴﻨﺎ ﺷﺘﺎﺋﻢ
ﺣﺎﻟَﺘُﻦ ﺍﺣﺴﻦ ﻧﺎﺱ ﻓﻲ ﺍﻟﺤﻠﺔ
ﺇﻳﺪﺍ ﻧﺰﻳﻬﺔ..ﻋﻘﻮﻻ ﻧﺒﻴﻬﺔ
ﻭﻗﻠﻨﺎ ﻳﻔﺮﺯﻭﺍ ﻭﻗﻠﻨﺎ ﻓﻮﺍﻫﻢ
ﻳﻄﻠﻌﻮﺍ ﻓﺎﻟﺼﻮ ﻭﻗﻄﺎﻉ ﺭﺣﻤﺔ
ﻋﻴﻨﺔ ﺷﻤﺎﺗﺔ ﻭﺧﺎﺭﻡ ﺑﺎﺭﻡ
ﻭﺇﺣﻨﺎ ﺍﻟﻘﺼّﺮ ﻭﺍﺛﻘﻴﻦ ﻓﻴﻬﺎ
ﻭﻗﻄﻌﻨﺎﻫﺎ ﻣﻌﺎﻫﻢ ﺟﻤﻠﺔ ﻭﻗﺎﻃﻌﻨﺎﻫﻦ
ﻭﺻﺎﺭﻭﺍ ﻓﻲ ﺟﻴﻬﺔ ﻭﻧﺤﻨﺎ ﻓﻲ ﺟﻴﻬﺔ
ﻣﺮّ ﺍﻟﻴﻮﻡ..ﺍﻟﺸﻬﺮ..ﺍﻟﺤﻮﻝ
ﻭﺍﻟﺠﺎﺑﺮﻳﺔ ﺑﻠﺪ ﻓﻲ ﺣﺎﻻ
ﻗﻮﺍﺳﻲ ﺷﻴﻮﺧﺎ..ﻣﺂﺳﻲ ﺃﻃﻔﺎﻻ
ﻋﺬﺍﺑﺎﺕ ﻧﺎﺳﺎ..ﺣﻠﺔ ﺗﻌﺎﻓﺮ ﻭﻣﻘﻄﻮﻉ ﺭﺍﺳﺎ
ﻣﻦ ﺍﻟﻘُﺮّﺍﺻﺔ ﻭﻟﻲ ﻗَﺮّﺍﺻﺎ
ﺣﻠﺔ ﺗﻌﺎﻓﺮ ﻭﻣﻘﻄﻮﻉ ﺭﺍﺳﺎ
ﻋﺸﺮﻳﻦ ﻛﻴﻠﻮ ﻣﻦ ﺍﻟﺠﺎﺑﺮﻳﺔ
ﺻﺒﻴﺔ ﺗﺴﺎﺳﻖ ﺑﻲ ﻛﺮّﺍﺳﺎ
ﺁ ﺍﻟﺠﺎﺑﺮﻳﺔ ﻋﺬﺍﺑﻚ ﻓﻴﻨﺎ
ﻻﻛﻲ ﺍﻟﻘﺮﻳﺔ ﻭﻻ ﻛﻲ ﻣﺪﻳﻨﺔ
ﻭﻓﺪ ﻓﻲ ﻭﻓﺪ ﻳﻘﻮﻡ ﻭﻳﺠﻴﻨﺎ
ﻋﺎﻳﺰﺓ ﺩﺭﺍﺳﺔ ﻭﺍﺟﺮﺍﺀﺍﺕ
ﻋﻮﻥ ﺍﻣﺮﻳﻜﻲ ﻗﺮﺽ ﺃﻟﻤﺎﻧﻲ ﻭﺣﺎﺣﺎﺀﺍﺕ
ﻭﺣﺪ ﻣﺎ ﻧﺸﻮﻓﻠﻨﺎ ﻣﺴﻌﻮﻟﻴﻦ
ﻣﺴﻌﻮﻟﻴﻦ ﺃﻭ ﺧﻮﺍﺟﺎﺕ
ﻧﺠﺮﻱ ﻧﻠﻢ ﻗﺪﺣﺎﺗﻨﺎ ﻋﻠﻴﻬﺎ
ﺗﺮﻃﻦ ﺗﺮﺟﻊ ﺯﻱ ﻣﺎ ﺟﺎﺕ
ﺍﻟﺸﻔﺨﺎﻧﺔ ﻭﻋﺎﻳﺰﺓ ﺩﺭﺍﺳﺔ
ﻭﻣﺪﺭﺳﺔ ﻭﺳﻄﻰ ﻭﺇﺟﺮﺍﺀﺍﺕ
ﻟﻤﺎ ﺍﻟﻤﻄﻮﺣﺔ ﻃﺎﻟﺖ ﺑﻴﻨﺎ
ﺇﻧﺬﻛﺮﻧﺎ ﺍﻟﻌﻮﻥ ﺍﻟﺬﺍﺗﻲ
ﺇﻧﺤﺰﻣﻨﺎ ﻭﻗﻠﻨﺎ ﺑﺮﺍﻧﺎ
ﻧﺒﻨﻲ ﻧﻘﻮﻡ ﻟﻲ ﺍﻟﺸﻔﺨﺎﻧﺔ
ﻃﻮﺑﺔ ﻓﻲ ﻃﻮﺑﺔ..ﻭﻗﻮﻣﻨﺎﻫﺎ
ﻭﻳﻮﻣﺎ ﺍﻟﺘﻤﺖ ﺟﺎﺕ ﺍﻟﺴﻠﻄﺔ
ﻋﺮﺑﻲ ﻭﻋﺠﻤﻲ ﻭﻣﺮﺓ ﺭﻃﺎﻧﺔ
ﺍﻟﺸﻔﺨﺎﻧﺔ ﺩﻩ ﻣﺎ ﻫﻮ ﺑُﻜﺎﻧﺎ
ﻫﺎﻙ ﻳﺎ ﺗﻠﺘﻠﺔ ﻫﺎﻙ ﻳﺎ ﻭﺭﻃﺔ
ﻭﻏﺼﺒﺎً ﻋﻨﻚ ﻳﺎ ﺍﻟﺠﺎﺑﺮﻳﺔ
ﻏﺼﺒﺎً ﻋﻨﻚ ﻳﺎ ﺃﺣﻮﺍﻻ
ﻭﺣﻤﻴﺎﺗﺎ ﻭﻣﻮﺕ ﺃﻃﻔﺎﻻ
ﻭﺣﻤﺮﺓ ﻋﻴﻨﻜﻦ ﻳﺎ ﺭﺟﺎﻟﺔ
ﻗﻮﺓ ﺇﻧﺸﻜﺖ ﺑﻴﻨﻨﺎ ﺍﻟﻨﻘﻄﺔ
ﻭﻓﻲ ﺍﻟﺠﺎﺑﺮﻳﺔ ﺗﺤﻮﻡ ﺍﻟﺸﺮﻃﺔ
ﻫﻮﻭﺍ ﻛﻼﺏ ﺍﻟﺤﻠﺔ ﻭﺻﻨّﻮﺍ
ﻭﻣﻦ ﻳﻮﻡ ﺩﺍﻙ ﻣﺎ ﺷﻔﻨﺎ ﺍﻟﺴﺘﺔ
ﻭﻓﺪ ﺍﻟﺤﻠﺔ ﺍﻟﺴﺎﻓﺮ ﺟﺎﻧﺎ
ﻗﺎﻝ ﺇﻧﺄﻛﺪ ﺷﺎﻑ ﺍﻟﺨﺮﻃﺔ
ﻭﻧﺤﻦ ﺑﺪﻝ ﻧﺒﻨﻲ ﺍﻟﺸﻔﺨﺎﻧﺔ
ﺇﻧﺴﺮﻋﻨﺎ ﺑﻨﻴﻨﺎ ﺍﻟﻨﻘﻄﺔ
ﺍﻟﺸﻔﺨﺎﻧﺔ ﺩﻩ ﻣﺎﻫﻮ ﺑُﻜﺎﻧﺎ
ﻭﻛﺎﻧﺖ ﻏﻠﻄﺔ ﺇﻧﻘﻠﺒﺖ ﻭﺭﻃﺔ
ﺇﻧﻔﺎﻫﻤﺘﻮ ﻣﻊ ﺍﻟﻤﺴﻌﻮﻝ ؟؟؟
ﺇﻧﻔﺎﻫﻤﻨﺎ ﻣﻊ ﺍﻟﻤﺴﻌﻮﻝ
ﻭﻗﺎﻝ ﺣﺎ ﻳﻘﻮِّﻡ ﻟﻠﺸﻔﺨﺎﻧﺔ ؟؟؟
ﺃﻭ ﻳﺪﻓﻊ ﻟﻨﺎ ﺣﻖ ﺍﻟﻄﻴﻦ
ﻣﻊ ﺇﻧﻮ ﺍﻟﻨﻘﻄﺔ ﻭﻛﺖ ﺑُﻨﻴﺎﻧﺎ
ﻗﻮﻣﺘﻮﻫﺎ ﺑﻼ ﺯﻧﺰﺍﻧﺔ
ﻓﻲ ﺗﻘﺪﻳﺮﻧﺎ ﻛﻼﻡ ﻣﻌﻘﻮﻝ
ﻛﻮﻥ ﻳﻘﻮِّﻡ ﻟﻲ ﺍﻟﺸﻔﺨﺎﻧﺔ
ﺣﺎﺟﺔ ﺗﻀﺤﻚ..ﻣﺤﺮﻗﺔ...ﻫﺎﻧﺔ
ﺍﻧﺘﻮ ﺗﻘﻴﻔﻮ ﻣﻊ ﺍﻟﻤﺴﻌﻮﻝ
ﻭﺍﻟﻼ ﺍﻟﻜﻨﺘﻮ ﺗﻘﻴﻔﻮﺍ ﻣﻌﺎﻧﺎ
ﻭﻗﻠﻨﺎ ﻭﺧﻔﻨﺎ ﻧﺼﺪ ﺍﻟﺠﺎﻱ
ﺧﻔﻨﺎ ﻧﻔﺸﻞ ﺑﺎﻗﻲ ﺍﻟﺨﻄﺔ
ﻓﻀﻠﺖ ﺟﺎﻳﻲ..ﻫﻲ ﻓﻀﻠﺖ ﺧﻄﺔ
ﻭﺍﻧﻔﺮﻗﻨﺎ ﻋﻠﻰ ﺍﻟﺠﺎﺑﺮﻳﺔ
ﻭﺍﻧﻌﻠﻘﻨﺎ ﺗﺠﻴﻨﺎ ﺍﻟﺒﻮﺳﻄﺔ
ﻭﻣﺪﺭﺳﺔ ﻭﺳﻄﻰ
ﻭﺍﻟﺸﻔﺨﺎﻧﺔ ﻗﺼﺎﺩ ﺍﻟﻨﻘﻄﺔ
ﺗﺠﻴﻨﺎ..ﺗﺠﻴﻨﺎ..ﺗﺠﻴﻨﺎ...ﺗﺠﻴﻨﺎ
ﻭﻣﺎ ﺇﻧﻴﻘﻨّﺎ..
ﻧﺎﺱ ﺇﻧﻮﻟﺪﻭﺍ ﻭﻭﺍﺣﺪﻳﻦ ﻣﺎﺗﻮ
ﻟﻤّﺎ ﺍﻟﺮﻳﺲ ﻭﺩﻭﺷﺘﻮ ﻓﺎﺗﻮ
ﻓﺎﺗﻮ ﺍﻟﻌﺴﻜﺮ..ﻭﺟﻮ ﺍﻷﺣﺰﺍﺏ
ﻭﻧﻔﺲ ﺍﻟﺤﻠﻢ ﺇﻧﺠﺪﺩ ﺗﺎﻧﻲ
ﻧﻔﺲ ﺍﻟﻮﺟﻊ ﺍﻟﺮﺍﺡ ﺗﺤﺘﺎﻧﻲ
ﺣﺘّﻠﻨﺎﻫﻮ ﺟﻤﻌﻨﺎ ﺭﻓﺎﺗﻮ
ﻧﻔﺲ ﺍﻟﻴﺎﻓﻄﺔ ﻓﻲ ﻧﻔﺲ ﺍﻟﺤﺘﺔ:
)ﺍﻟﺠﺎﺑﺮﻳﺔ ﺗﺤﻴﻲ ﺍﻟﺸﻌﺐ
ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
ﻭﺍﻟﺸﻔﺨﺎﻧﺔ ﺑﺪﻳﻞ ﺍﻟﻨﻘﻄﺔ(
ﻓﻴﻨﺎ ﺇﻧﻜﻠﻢ ﺷﻴﺦ ﺍﻟﺤﻠﺔ
ﺻﻨﻘﻊ..ﺩﻧﻘﺮ..ﺳﻠﻢ ﻭﺻﻠّﻰ
ﻭﻛﺎﻧﻮﺍ ﻛﻼﺏ ﺍﻟﺤﻠﺔ ﺑﻬﻮﻭﺍ
ﻭﻗﺎﻝ ﻛﻠﻤﺘﻨﺎ ﺗﻜﻮﻥ ﻓﺪ ﻭﺍﺣﺪﻱ
ﺷﺎﻥ ﻧﻨﻘﻮﻯ ﻣﺎ ﻧﻨﺰﻻ
ﺷﺎﻥ ﻣﺸﻬﺎﺩﻧﺎ ﻭﻋﺪﻝ ﺍﻟﺤﻠﺔ
ﻧﺤﻦ ﻧﻔﻮِّﺯ ﺣﺎﺝ ﺍﻟﺒﻠﺔ
ﻭﺯﺍﺩ ﻫﻮﻫﻴﻮ ﻛﻠُّﻮﺏ ﺍﻟﺤﻠﺔ
ﻭﺑﻌﻀﻨﺎ ﻋﺎﺭﺽ..ﺭﺩّ ﻭﻓﺎﻭﺽ
ﺷﻴﺦ ﺍﻟﺤﻠﺔ ﺍﻟﻘﺎﻡ ﺣﻤﺴﻨﺎ
ﺑﻠﺔ ﺍﻟﺤﻤﺶ ﺍﻟﺰﻭﻝ ﻣﺎ ﺩﻟﺔ
ﺃﻭﻝ ﻓﺎﻫﻢ ﻭﻗﺒﻠﻮﺍ ﻭﻟﺪﻧﺎ
ﻭﺭﺍﺡ ﻳﺤﻜﻤﻠﻨﺎ ﺑﻲ ﺷﺮﻉ ﺍﻟﻠﻪ
ﻫﻮ..ﻫﻮ..ﻫﻮﻭﺍ ﻛﻼﺑﻨﺎ
ﻟﻤّﺎ ﺍﺳﺘﻐﺮﺏ ﺷﻴﺦ ﺍﻟﺤﻠﺔ
ﻭﺍﻧﻔﺮﻗﻨﺎ ﻋﻠﻰ ﺍﻟﺠﺎﺑﺮﻳﺔ
ﺍﻧﻔﺮﻗﻨﺎ ﻭﻳﻮﻡ ﺍﻟﻠﻴﻠﺔ ﺇﻧﺠﻤﻌﻨﺎ ﻋﻤﻮﻡ ﺍﻟﺤﻠﺔ
ﺷﻴﺦ ﺍﻟﺤﻠﺔ ﻗﺮﺍ ﺍﻟﻘﺮﺁﻥ
ﺻﻨّﻮﺍ ﻛﻼﺏ ﺍﻟﺤﻠﺔ ﻭﻫﻮﻭﺍ
ﻭﺑﻠﺔ ﺇﻧﻘﺪﻡ ﺳﻢّ ﻭﺻﻠّﻰ..
ﺻﻨّﻮﺍ ﺷﻮﻳﺔ..ﻭﻫﻮ ﻫﻮ ﻫﻮﻭﺍ
ﻭﻗﺎﻡ ﺇﻧﻜﻠﻢ..ﻭﻋﻨﺪ ﺇﻧﻜﻠﻢ ﻛﺎﻥ ﺑﻴﻨﻘﺴﻢ
ﺍﻟﻨﺴﻮﺍﻥ ﺍﻟﺠﺎﻱ ﺗﻨﻬﺎﻣﺰ
ﺍﻟﺼﺒﻴﺎﻥ ﺍﻟﺠﺎﻱ ﺗﻨﻐﺎﻣﺰ
ﻭﻛﺎﻥ ﺑﻴﻨﺒﺴّﻢ
ﻭﻛﺎﻧﻮ ﻛﻼﺏ ﺍﻟﺤﻠﺔ ﺑﻬﻮﻭﺍ
ﺷﻜّﺮ ﻭﺷﺘّﻢ..ﻫﻮ ﻫﻮ ﻫﻮﻭﺍ
ﺣﻠّﻞ ﻭﺣﺮّﻡ..ﻫﻮ ﻫﻮ ﻫﻮﻭﺍ
ﻫﻮﺩ ﺳﺎﺑﻨﺎ..ﻭﻓﺎﺕ ﻭﺩﺍﻧﺎ ﺍﻵﺧﺮﺓ ﻭﺟﺎﺑﻨﺎ
ﻗﺎﻃﻌﻨﺎﻫﻮ ﻭﺻﻮﺗﻮ ﺇﻧﻮﻃّﺎ
ﺍﺻﻼً ﻭﺍﻃﻲ ﻭﺗﺎﻧﻲ ﺇﻧﻮﻃّﺎ
ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
ﻭﺍﻟﺸﻔﺨﺎﻧﺔ ﺑﺪﻳﻞ ﺍﻟﻨﻘﻄﺔ
ﺍﻟﺘﻤﻮﻳﻦ ﻭﺯﻳﺎﺩﺓ ﺍﻟﺤﺼﺔ
ﻛﻬﺮﺑﺎ ﻣﻮﻳﺔ ﻭﺳﻮﻕ ﻣﻨﻀﺒﻄﺔ
ﺑﻠﺔ ﺍﻧﺒﺮﻉ ﻭﻗﺎﻝ ﺑﺒﻨﻴﻬﻦ
ﻫﻮ ﻫﻮ ﻫﻮﻭﺍ ﻛﻼﺑﻨﺎ
ﻭﺍﺳﺘﻐﺮﺑﻨﺎ ﻗﺒﻞ ﺑﺎﻟﻤﺮﺓ
ﻻﻣﻦ ﻧﻬﺘﻒ ﺗﺮﺳﻰ ﻛﻼﺑﻨﺎ
ﻻﻣﻦ ﻳﻨﻀﻢ ﺑﻠﺔ ﻳﻬﻮﻭﺍ
ﺑﻠﺔ ﺍﻧﺤﻤﺲ ﻭﻗﺎﻝ ﺑﺴﻘﻴﻨﺎ
ﻭﺑﻲ ﺇﺫﻥ ﺍﻟﻠﻪ ﻳﻀﻮّﻯ ﺍﻟﺤﻠﺔ
ﻫﺘﻒ ﺍﻟﺸﻴﺦ ﻭﻫﺘﻔﻨﺎ ﻭﺭﺍﻫﻮ:
ﻻ ﺗﺒﺪﻳﻞ ﻟﺸﺮﻉ ﺍﻟﻠﻪ..ﻫﻮ ﻫﻮ ﻫﻮ
ﻭﻻ ﻭﻻﺀ ﻟﻐﻴﺮ ﺍﻟﻠﻪ..ﻃﺎﺀ ﻃﺎﺀ ﻃﺎﺀ
ﻋﺎﺵ ﺍﻟﻔﺎﺭﺱ ﺍﻣﻞ ﺍﻟﺤﻠﺔ
ﺑﻠﺔ ﺍﻟﻄﺎﻫﺮ ﻋﻠﻲ ﺣﺴﺐ ﺍﻟﻠﻪ
ﺑﻠﺔ ﺍﻟﻄﺎﻫﺮ ﻋﻠﻲ ﺣﺴﺐ ﺍﻟﻠﻪ
ﻛﺒﺮ ﻓﻴﻨﺎ ﻭﻗﺎﻡ ﺇﻧﺪﻟّﻰ
ﻭﻟﺴﺔ ﻛﻼﺏ ﺍﻟﺤﻠﺔ ﺑﻬﻮﻭﺍ
ﻭﺯﺍﺩ ﻫﻮﻫﻴﻮﻥ
ﻛﺒﺸﺎً ﺿﺎﻉ..ﻣﻦ ﻣﺮﺣﺎﺗﻮ ﻭﻓﺎﻗﻊ ﺑﺎﻉ
ﺑﻠﺔ ﺍﻟﻄﺎﻫﺮ ﻋﻠﻰ ﺑﻼّﻉ
ﻛﺎﻧﺖ ﺃﻭﻝ ﻣﺮﺓ ﻧﺸﻮﻓﻮ
ﻳﻮﻣﻨﺎ ﺍﻟﺸﻔﻨﺎ ﺍﻟﻼﻧﺪﻛﺮﻭﺯﺭ
ﺍﻟﻠﻮﻧﺎ ﻣﺨﻄﻂ..ﻭﺍﻟﺒﻨﻮﺕ ﺍﻟﺮﺍﺳﺎ ﻣﺮﺑﻂ..
ﺍﻟﺘﻨﺒﻮﺑﺮ
ﻟﻮﺭﻱ ﻣﻜﻮﺵ ﺃﻗﻤﺸﺔ..ﺳﻜﺮ..ﺣﺘﻰ
ﺍﻟﻔﻮﻓﻮ
ﻭﻋﺘِّﻞ ﺗﺆﺟﺮ..ﻭﺍﻣﺤﻰ ﺍﻟﻤﻨﻜﺮ ﺑﻲ ﻣﻌﺮﻭﻓﻮ
ﺑﻠﺔ ﺍﻟﻄﺎﻫﺮ ﻋﻠﻲ ﺑﻼﻉ
ﺍﻛﺮﻣﻨﺎﻫﻮ..ﺍﻛﺮﻣﻨﺎ ﺿﻴﻮﻓﻮ
ﻳﺸﺒﺔ ﻣَﺮَﺕْ ﺍﻟﺸﻴﺦ ﻓﻲ ﻭﺷﻴﻮ
ﻟﻮﻻ ﺍﻟﺪﻗﻦ ﺍﻟﺪﺷﺪﺵ ﺻﻮﻓﻮ
ﺑﻠﺔ ﺧﺒﺎﺭﻙ ﻣﺎ ﺑﺘﺸﺒﻬﻨﺎ ﻭﻋﺎﻣﻞ ﺯﻭﻟﻨﺎ
ﺗﺎﻧﻲ ﻧﻘﻮﻝ ﺍﻟﺰﻭﻝ ﺑﺮّﺍﻧﺎ ﻧﻐﻴﺮ ﻗﻮﻟﻨﺎ
ﺇﻻ ﻛﺒﺎﺭ ﺍﻟﺤﻠﺔ ﺑﻘﻮﻟﻮﺍ
ﺑﻠﺔ ﺩﻩ ﻫﻮﻟﻨﺎ
ﺑﻠﺔ ﺩﻩ ﺃﺻﻼً ﻣﻦ ﻫﺎ ﺍﻟﺤﻠﺔ
ﺇﻻ ﺇﻧﺮﺑّﻰ ﻭﻗﺮﺍ ﻓﻲ ﺍﻟﺨﺎﺭﺝ
ﻭﺭﺍﻓﻖ ﺟﺪﻭ ﺍﻟﻔﺘﺢ ﺍﻟﺘﺮﻛﻲ
ﻭﺳﻴﺮﺗﻮ ﺍﻧﻘﻄﻌﺖ ﻓﻲ ﺍﻟﻤﻬﺪﻳﺔ
ﻭﻣﺮﺓ ﺳﻤﻌﻨﺎ ﺍﺳﺘﻮﻃﻦ ﺑﺮﺓ
ﻭﻗﺎﻡ ﺇﻧﺰﻭﺝ ﻣﻦ ﻣﺼﺮﻳﺔ
ﺟﺎﺑﺖ ﻋﻠﻲ..
ﻋﻠﻲ ﺟﺎﺏ ﺍﻟﻄﺎﻫﺮ
ﺣﺘﻰ ﺍﻟﻄﺎﻫﺮ ﺧﻠّﻒ ﺑﻠﺔ
ﺟﺪﻭ ﺍﺷﻴﻄﻦ ﺍﺧﻴﺮ ﻣﺎ ﻻﻧﺎ
ﻭﺑﻠﺔ ﺍﻧﺴﺮﻛﻦ ﺟﺎﺀ ﻭﺑﺮﺍﻧﺎ
ﺃﻗﺮﺏ ﻭﺍﺣﺪ ﻟﻲ ﺣﺎﺝ ﺑﻠﺔ
ﺃﻗﺮﺏ ﻭﺍﺣﺪ ﺷﻴﺦ ﺍﻟﺤﻠﺔ
ﺑﻠﺔ ﺍﻟﻄﺎﻫﺮ ﻋﻠﻲ ﺣﺴﺐ ﺍﻟﻠﻪ
ﺃﻭﻝ ﻣﺮﺓ ﻳﺼﻠﻲ ﻣﻌﺎﻧﺎ
ﻗﺪﻣﻨﺎﻫﻮ ﻭﻗﺎﻡ ﺃﻣﺎﻧﺎ
ﺻﻮﺗﻮ ﻣﺮﺧﺮﺥ ﻟﻤﻦ ﻳﻘﺮﺍ
ﻳﻘﺮﺍ ﻭﻳﻘﻄﻊ ﺯﻱ ﺍﻟﺒﻄﺮﺍ
ﻻﻣﻦ ﻳﺮﻛﻊ ﺟﺴﻤﻮ ﻣﺘﺨﺘﺦ
ﻋﻨﺪ ﺍﻟﺴﺠﺪﺓ ﺳﺠﻮﺩﻭ ﻣﻤﺨﻤﺦ
ﺷﻴﺦ ﺍﻟﺤﻠﺔ ﻳﻘﻮﻝ ﻋﻦ ﺍﻣﺮﻭ
ﺯﻭﻝ ﻏﺮﻗﺎﻥ ﻓﻲ ﺍﻟﺪﻳﻦ ﻣﻦ ﻋﻤﺮﻭ
ﺳﺘﺔ ﺳﻨﻴﻦ ﻗﺎﺑﺾ ﻓﻲ ﺟﻤﺮﻭ
ﻣﺎ ﻓﻜﺎﻫﻮ ﻃﺮﻳﻖ ﺍﻟﻠﻪ..
ﺻﻮﺗﻮ ﻭِﺩِﺭْ ﻣﻦ ﻛﺘﺮﺓ ﺫﻛﺮﻭ
ﻭﺟﺴﻤﻮ ﺍﻟﺘﺨﺘﺨﻮ ﺷﺪﺓ ﺻﺒﺮﻭ
ﻗﻠﻨﺎ ﺣﻘﻴﻘﺔ..ﺍﻟﺰﻭﻝ ﺑﻲ ﻋﺬﺭﻭ
ﻭﻓﺘﻨﺎ ﻗﻨﺎﻋﺔ..ﻭﻣﺎﻧﺎ ﻗﻨﺎﻋﺔ
ﺇﻻ ﺍﻟﺴﺘﺔ ﺍﻟﺼﺎﺭﻭ ﺟﻤﺎﻋﺔ
ﻗﺎﻟﻮﺍ ﺩﻩ ﺯﻭﻝ ﺗﺮﺑﺎﺗﻮ ﻣﻴﺎﻋﺔ
ﻣﺎ ﺑﻴﺸﺒﻬﻨﺎ ﻭﺭﻓﻌﻮ ﻭﺿﺎﻋﺔ
ﺯﻭﻝ ﺯﻭﻝ ﺩﻧﻴﺎ ﻭﺩﻧﻴﺎ ﺻﻴﺎﻋﺔ
ﻗﺼﺔ ﺩﻳﻨﺔ ﻭﺩﻗﻨﻮ ﺑﻀﺎﻋﺔ
ﻭﺍﺣﻨﺎ ﺍﺻﻮﺍﺗﻨﺎ..ﻳﺎ ﺇﻣﺎ ﻣﻀﺎﻋﺔ
ﻳﺎ ﺇﻣﺎ ﺟﻬﺎﻟﺔ ﻭﻧﺎﺱ ﻣﺘﺒﺎﻋﺔ
ﻭﻓﻲ ﺍﻟﺤﺎﻟﺘﻴﻦ ﺁﻣﺎﻟﻨﺎ ﻣﻀﺎﻋﺔ
ﻭﺧﺎﺭﻡ ﺑﺎﺭﻡ
ﻛﻮﻧﻬﺎ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
ﻭﺍﻟﺸﻔﺨﺎﻧﺔ ﻭﻣﻮﻳﺔ ﻧﻮﺭ
ﻛﻮﻧﻮ ﻳﺠﻴﻨﺎ ﺩﻩ ﻣﺎ ﻣﻨﻈﻮﺭ
ﻭﺯﻳﺎﺩﺓ ﺍﻟﺤﺼﺔ
ﺍﻟﺰﻭﻝ ﺯﻭﻝ ﺳﻮﻕ
ﺯﻭﻝ ﻣﻦ ﺟﺪﻭ ﻳﻠﻒ ﻭﻳﺪﻭﺭ
ﻭﻳﺎ ﺍﻟﺠﺎﺑﺮﻳﺔ ﺩﻩ ﻣﻄﻠﺐ ﻋﺎﺩﻝ
ﻛﻮﻧﻮ ﺗﻄﻴﺒﻲ ﺗﻜﺎﺗﺒﻲ ﻭﺗﻘﺮﻱ
ﺿﻮﻙ ﻳﺸﻠﻊ..ﺩﺷﻚ ﻳﺮﺷﻊ
ﻭﺍﺣﻨﺎ ﺩﻓﻌﻨﺎ ﺿﺮﺍﺋﺐ ﺑﺪﺭﻱ
ﻭﻟﺴﻪ ﺑﻨﺪﻓﻊ..ﻟﺴﻊ..ﻟﺴﻊ
ﺑﺲ ﻳﺎ ﺟﻤﺎﻋﺔ..
ﺇﻥ ﻗﻀﻴﻨﺎ ﺣﻴﺎﺗﻨﺎ ﺗﺒﺎﻋﺔ
ﻭﺻﻨّﻴﺖ ﺭﺍﺩﻱ
ﻭﻗﻮﻝ ﻓﻲ ﺍﻟﻔﺎﺿﻲ
ﺧﻮﻓﻨﺎ ﻧﻘﻮﻡ ﻣﺎ ﻧﻠﻘﻰ ﺃﺭﺍﺿﻲ
ﻭﻧﺤﻨﺎ ﺃﺳﺎﺳﻨﺎ ﻭﺭﺍﺳﻨﺎ ﺯﺭﺍﻋﺔ
ﻭﺍﻟﺠﺎﺑﺮﻳﺔ ﺇﻥ ﺩﺍﻳﺮﺓ ﺷﻔﺎﻋﺔ
ﻣﺎ ﺑﻴﺸﻔﻊ ﻟﻬﺎ ﺇﻻ ﺿﺮﺍﻋﺎ
ﻋﺒﻮ ﺿﺮﺍﻋﻜﻦ ﻳﺎ ﺭﺟﺎﻟﺔ
ﻭﺧﻠﻮ ﺑﺼﺮﻛﻢ ﺩﻏﺮﻱ ﻭﺳﺎﻟﻢ
ﻋﺒﻮ ﺿﺮﺍﻋﻜﻦ ﻳﺎ ﺭﺟﺎﻟﺔ
ﺷﻴﺦ ﺍﻟﺤﻠﺔ ﺃﺿﻞّ ﻭﺿﻞّ
ﻭﺍﺳﺄﻟﻮﺍ ﺑُﺮّﺓ ﻭﺣﺎﺟﺔ ﺍﻟﺴُّﺮﺓ
ﻋﻦ ﺍﻟﺘﻴﺒﺎﻥ ﻭﺣﻜﺎﻳﺔ ﺍﻟﺼُّﺮﺓ
ﺍﻟﻠﻢّ ﺍﻟﺒﻠﺔ ﻭﺷﻴﺦ ﺍﻟﺤﻠﺔ ﻣﻊ ﺷﺮﻉ ﺍﻟﻠﻪ
ﻭﺍﻟﻨﺎﺱ ﺩﻳﻞ ﺍﻟﻌﺎﺭﺿﻴﻦ ﺑﺮﺓ
ﺟﺮّﺑﻨﺎﻫﻦ ﻛﻤﻴﻦ ﻣﺮﺓ
ﺗﺎﻧﻲ ﻧﺠﺮﺏ ﺷﺎﻥ ﻧﻨﻀﺮّ
ﻭﻳﺎ ﺍﻟﺠﺎﺑﺮﻳﺔ ﻣﻌﺎﻛﻲ ﺳﻼﻣﺔ
ﻛﺎﻥ ﺍﻟﻔﻮﻗﻚ ﻣﺎ ﻓﺎﺕ ﻣﺮﺓ
ﻛﺎﻥ ﻛﻠﻤﺎﺗﻦ ﻧﺎﺷﻒ ﺭﻳﻘﺎ
ﻭﻛﺎﻧﺖ ﻣﺮﺓ
ﺇﻻ ﺣﻘﻴﻘﺔ..ﻏﻠﺒﻨﺎ ﻧﻄﻴﻘﺎ
ﻭﻳﻦ ﻓﻲ ﺍﻟﺼﺮﻣﺔ ﻭﻗﻞ ﺍﻟﻘﺪﺭﺓ
ﺳﻜﺘﻨﺎﻫﻦ ﺑﺲ ﻣﺎ ﺻﻨّﻮﺍ
ﻭﻗﺎﻃﻌﻨﺎﻫﻦ ﺗﺎﻧﻲ ﺍﻟﻤﺮﺓ
ﻭﺑﻠﺔ ﻃﺮﻳﻖ ﺍﻟﻨﺎﺱ ﻭﺧﻴﺎﺭﺍ
ﻓﻮﺯﻧﺎﻫﻮ ﻭﺟﺎﻧﺎ ﺯﻳﺎﺭﺓ
ﻛﺮﻣﻨﺎﻟﻮ ﺍﻟﺘﻮﺭ ﻭﻋﺮﺿﻨﺎ
ﻭﺧﻠﻴﻨﺎﻫﻦ ﺑﺮﺓ ﺍﻟﺪﺍﺭﺓ
ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ
ﻣﻮﻳﺔ ﻭﻛﻬﺮﺑﺎ ﻭﺍﻟﺸﻔﺨﺎﻧﺔ
ﺯﻳﺎﺩﺓ ﺍﻟﺤﺼﺔ ﻭﺳﻮﻕ ﻣﻨﻀﺒﻄﺔ
ﻭﺻﺪﻭﺍ ﻛﻼﺏ ﺍﻟﺤﻠﺔ ﻳﻬﻮﻭﺍ
ﻳﻨﻀﻢ ﺑﻠﺔ ﻳﻬﻮﻭﺍ ﻣﻌﺎﻫﻮ
ﻧﻬﺘﻒ ﻧﺤﻨﺎ ﻳﺰﻳﺪ ﻫﻮﻫﻴﻮﺍ
ﻣﺎﻓﻲ ﺷﻬﺮ ﺟﺎﺗﻨﺎ ﺍﻟﺨﺮﺳﺎﻧﺔ
ﺟﺎﻥ ﺍﻟﺴﻴﺦ..ﺍﻟﻄﻮﺏ..ﺍﻟﺮﻣﻠﺔ
ﺟﺎ ﺍﻷﺳﻤﻨﺘﻰ ﺷﻜﺎﺭﺓ ﺷﻜﺎﺭﺓ
ﻋﺪﻳﻨﺎﻫﻦ ﺃﻟﻒ ﺷﻜﺎﺭﺓ
ﻛﺮﻣﻨﺎﻟﻦ ﺧﻴﺮﺍً ﺟﺎﻧﺎ
ﻭﻛﻞ ﻛﻼﺏ ﺍﻟﺤﻠﺔ ﺍﻟﻬﻮّﻥ
ﻃﻔﺸﻨﺎﻟﻦ ﺑﺎﻟﺠﺒﺨﺎﻧﺔ
ﻭﻓﻲ ﺻﻨﺎﻧﺔ ﺗﺪﻭﺩﻱ ﺍﻟﺰﺍﻧﺔ
ﺍﻧﻐﺎﻟﻄﻨﺎ ﻛﺘﻴﺮ ﻓﻲ ﺑﻌﻀﻨﺎ
ﺃﻭﻟﻰ ﺍﻟﻤﺪﺭﺳﺔ ؟ ﻭﺍﻟﻼ ﺍﻟﺒﻮﺳﻄﺔ
ﺃﻭﻟﻰ ﺍﻟﻤﺪﺭﺳﺔ ﻭﺍﻟﺸﻔﺨﺎﻧﺔ
ﺍﻟﺸﻔﺨﺎﻧﺔ ﻣﺤﻞ ﺍﻟﻨﻘﻄﺔ
ﻭﻧﺎﻥ ﺍﻟﻨﻘﻄﺔ..ﻧﺤﻨﺎ ﺃﻫﺎﻟﻲ
ﻭﻭﺩﻧﺎ ﺻﺎﻓﻲ
ﺑﻴﻨﺎ ﻣﻌﺰﺓ ﺟﺮﺍﺋﻢ ﻣﺎﻓﻲ
ﻭﻣﺎ ﺑﻨﺤﺘﺎﺝ ﻟﻲ ﺷﺮﻃﺔ ﻭﻧﻘﻄﺔ
ﺗﺤﺼﻞ ﻋﻠﺔ..ﻓﻲ ﺷﻴﺦ ﺍﻟﺤﻠﺔ
ﻭﻧﺎﺱ ﺍﻟﺴﻠﻄﺔ
ﻧﺤﻨﺎ ﺍﻹﻳﺪﻧﺎ ﺑﻨﺖ ﻟﻲ ﺍﻟﻨﻘﻄﺔ
ﻭﺍﻟﺠﻴﺮﻧﺎ ﺯﺑﺎﻟﺔ ﺍﻃﻴﺎﻧﺎ
ﻧﺎﺱ ﺍﻟﺴﻠﻄﺔ ﺇﻥ ﺩﺍﺭﻭ ﺍﻟﻨﻘﻄﺔ
ﺷﻲ ﺑُﻜﺎﻥ ﺃﺭﺽ ﺍﻟﺸﻔﺨﺎﻧﺔ
ﻭﻣﺎ ﻃﺎﻟﺒﺎﻧﺎ ﺧﻼﻑ ﺯﻧﺰﺍﻧﺔ
ﻣﺪﺭﺳﺔ ﺑﻮﺳﻄﺔ
ﺳﺘﻴﻦ ﻃﻠﺒﺔ ﻭﻋﺸﺮﻳﻦ ﺍﻭﺳﻄﻰ
ﺷﻐﺎﻟﻴﻦ ﻣﺎ ﻣﻠﻮ ﺳﺨﺎﻧﺔ
ﻣﺪﺭﺳﺔ ﺑﻮﺳﻄﺔ..ﻭﻗﻠﻨﺎ ﻏُﻨﺎﻧﺎ
ﻳﺎ ﺍﻟﺠﺎﺑﺮﻳﺔ..ﺍﻟﻠﻪ ﺃﺩﺍﻧﺎ
ﺣﺎﺝ ﺍﻟﺒﻠﺔ ﺍﻟﻤﺒﺮﻭﻙ ﺟﺎﻧﺎ
ﺟﺎﺏ ﺍﻟﻤﺪﺭﺳﺔ..ﺟﺎﺏ ﺍﻟﺒﻮﺳﻄﺔ
ﻭﺑﻜﺮﺓ ﻳﺮﺟﻊ ﻟﻠﺸﻔﺨﺎﻧﺔ
ﻧﺼﺤﻰ ﻧﺼﺎﺑﺢ ﻣﻮﻳﺔ ﺍﻟﺪُّﺵ
ﻧﻤﺴﻰ ﻧﻼﻗﻲ ﺍﻟﻀﻮ ﻋﻤﺎﻧﺎ
ﻣﺪﺭﺳﺔ ﺑﻮﺳﻄﺔ..ﻣﺪﺭﺳﺔ ﺑﻮﺳﻄﺔ
ﻭﺗﺎﻭﻕ..ﺗﺎﻭﻕ..ﺗﺎﻭﻕ..ﺗﺎﻭﻕ..ﺗﺦ
ﻭﻓﺠﺄﺓ ﺗﺒﻴﻦ ﻓﻲ ﺍﻟﺴﻄﺢ ﺍﻟﺨﺮﻃﺔ
ﻭﻛﺐ ﺗﻨﺘﺼﺐ ﺍﻟﻤﻴﻀﻨﺔ ﺃﺥ
ﺃﺥ ﻣﻦ ﺣﻈﻚ ﻳﺎ ﺍﻟﺠﺎﺑﺮﻳﺔ
ﺳﺎﺑﻊ ﺟﺎﻣﻊ ﺑﺎﻟﺠﺎﺑﺮﻳﺔ
ﻭﺻﺪﻭﺍ ﻛﻼﺏ ﺍﻟﺤﻠﺔ ﻳﻬﻮﻭﺍ
ﺃﺥ ﻳﺎ ﺍﻟﻨﺎﺱ ﺍﻟﺤﺎﻟُﻦ ﻗﻂّ
ﻫﻮ..ﻫﻮ..ﻫﻮ..ﻫﻮﻭﻭﻭﺍ
ﻓﻲ ﺍﻟﺒﻠﺪﺍﻥ ﺍﻟﺤﻈﻬﺎ ﻓﺎﺟﻊ
ﺑﻖ ﻳﺎ ﺍﻟﺼﺎﺡ ﺍﻟﻤﺎﻙ ﻣﺘﺮﺍﺟﻊ
ﺣﺮِّﻕ ﺩﺑﺶ ﺍﻟﺪﻧﻴﺎ ﺍﻟﻐﻠﻄﺔ
ﺑﻖ ﻭﺍﻧﻔﺮﻕ ﻓﻲ ﺍﻟﺠﺎﺑﺮﻳﺔ
ﺑﻖ ﻓﻲ ﺍﺭﺣﺎﻣﻨﺎ ﻓﻲ ﺷﺎﻓﻊ ﻧﺎﻓﻊ
ﺗﺮﻓﻌﻮﺍ ﺍﻣﻮ ﻓﻲ ﺣﻴﻄﺔ ﺍﻟﺠﺎﻣﻊ
ﻳﻜﺘﺐ ﻳﺴﻘﻂ ﺩﺟﻞ ﺍﻟﺴﻠﻄﺔ
ﻳﺴﻘﻂ ﺑﻠﺔ ﻭﺷﻴﺨﻨﺎ ﺍﻟﺘﺎﺑﻊ
ﻭﻛﺸﻔﻨﺎﻙ ﻭﻛﺸﻔﻨﺎ ﺍﻟﺨﻄﺔ
ﺗﺤﻴﺎ ﻛﻼﺑﻚ ﻳﺎ ﺍﻟﺠﺎﺑﺮﻳﺔ
ﻳﺤﻴﺎ ﺿﺮﺍﻉ ﺍﻟﺰﻳﺘُﻦ ﻃﺎﻟﻊ
ﻏُﻠﺐ ﻳﺼﺎﺭﻉ ﻣﺮ ﺍﻟﻮﺍﻗﻊ
ﻳﺤﻴﺎ ﺗﺮﺍﺑﻚ ﻭﺍﻟﻄﻮﺭﻳﺔ
ﺍﻟﺠﺎﺑﺮﻳﺔ ﺗﺤﻴﻲ ﺍﻟﺸﺎﺭﻉ
ﺩﺍﻳﺮﻳﻦ ﻛﻬﺮﺑﺎﺀ ﺩﺍﻳﺮﻳﻦ ﻣﻮﻳﺔ
ﺩﺍﻳﺮﻳﻦ ﺳﻠﻄﺔ ﻭﺳﻮﻑ ﻣﻨﻀﺒﻄﺔ
ﺩﺍﻳﺮﻳﻦ ﻫﺴﺔ ﺯﻳﺎﺩﺓ ﺍﻟﺤﺼﺔ
ﺍﻟﺸﻔﺨﺎﻧﺔ ﺑﺪﻳﻞ ﺍﻟﻨﻘﻄﺔ
ﺩﺍﻳﺮﻳﻦ ﺑﻮﺳﻄﺔ ﻭﻣﺪﺭﺳﺔ ﻭﺳﻄﻰ.
02-24-2008,03:11am#2

الوالي
11-07-2012, 08:41 AM
ﻤﺪ ﺟﺎﺑﺮ
ﻟﻠﺰﻳﻦ ﻭﺩ ﺣﺎﻣﺪ
)ﺗﻠﻐﺮﺍﻓﺎﺕ(
ﻣﺤﻤﺪ ﺍﻟﺤﺴﻦ ﺣﺴﻦ ﺳﺎﻟﻢ)ﺣﻤﻴﺪ(
)ﺟﻮﺍﺏ ﺃﻭﻝ(
ﺑﺎﺳﻢ ﺍﻟﺤﺎﺿﺮ ﻭﺍﻟﻤﺴﺘﻘﺒﻞ
ﺳﺖ ﺍﻟﺪﺍﺭ ﺑﺖ ﺃﺣﻤﺪ ﻗﺎﻟﺖ:
ﻟﻴﻚ ﻳﺎ ﺍﻟﺰﻳﻦ ﻭﺩ ﺣﺎﻣﺪ ﺷﻮﻗﻨﺎ
ﺃﻣﺎ ﺑﻌﺪ ،
ﺍﻟﻤﺒﻌﻮﺗﺔ ﺍﻟﻤﻨﻚ..ﻭﺻﻠﺖ
ﻭﺭُﺡ ﻓﻜﻴﺖ ﺍﻟﻄﻠﺐ ﺍﻟﻔﻮﻗﻨﺎ
ﺑﺎﻗﻲ ﺍﻟﺪﻳﻦ ﻳﺎ ﺍﻟﺰﻳﻦ ﺧﻠﺼﺘﻮ
ﻗﺪﺭ ﺍﻟﻔﺎﺿﻞ..ﻣﺼﺮﻭﻑ ﺭﺍﺷﺪ ﻭﺍﻟﺘﻮﻣﺎﺕ
ﻭﺍﻟﺠﺎﻳﺎﺕ ﻣﻦ ﺟﺎﻱ..ﻻ ﺟﺎﻱ
ﺯﻱ ﻣﺎ ﻗﺖ ﻟﻚ ﻗﺒﺎﻝ ﺩﻩ
ﺷﻬﺮ ﺇﺗﻨﻴﻦ ﺣﺎ ﻧﻄﻬﺮ ﺭﺍﺷﺪ
ﺷﻬﺮ ﺇﺗﻨﻴﻦ ﺍﻟﻤﺪﺭﺳﺔ ﺗﺄﺟﺰ
ﺍﻟﻠﻪ ﻳﺒﻌﺪ ﺍﻟﻌﺎﺭﺿﻲ ﺗﺠﻴﻨﺎ
ﻭﺭﺍﺷﺪ ﺣﺎﻟﻒ ﻣﺎ ﻳﻄﻬﺮ
ﺇﻻ ﺃﺑﻮﻫﻮ ﻭﻋﻤﺘﻮ ﺗﺤﻀﺮ
ﻭﺇﻻ ﻳﺠﻴﺒﻮ ﺍﻟﻐﻨﺎﻳﻴﻦ
ﺷﺎﻥ ﺍﻟﺸﻮﻕ ﺑﺖ ﺳﺮﻧﺎ ﺗﺮﻗﺺ
ﻗﻠﻨﺎ ﻧﺠﻴﺐ ﺍﻟﻤﺪﺍﺣﻴﻦ
ﻃﻨﻄﻦ..ﺃﻧﺎ ﺟﺎﻱ ﻣﻦ ﺍﻟﺤﺞ
ﻭﻋﺎﺭﻑ ﺭﺍﺷﺪ ﻟﻤﺎ ﻳﻄﻨﻄﻦ
ﻛﻞ ﺍﻟﺪﻧﻴﺎ ﺍﻟﻔﻴﻲ ﺗﻄﻨﻄﻦ
ﻏﺎﻳﺘﻮ ﺑﺸﺮ..ﺑﺲ ﺭﺑﻮ ﻳﻬﻮﻥ
ﻣﺎ ﻛﻠﻤﺘﻚ ﺑﺎﻟﺘﻮﻣﺎﺕ
ﺃﻭﻝ ﺍﻟﺒﺎﺭﺡ ﺟﻨﻲ ﻳﺮﻃﻨﻦ
ﻗﺎﻟﻦ ﻧﺤﻨﺎ ﺍﻟﺨﻮﺍﺟﺎﺕ
ﺑﺴﻢ ﺍﻟﻠﻪ..ﻣﺮﻕ ﺣﺼﻠﺖ
ﻟﻘﻴﺖ ﻟﻚ ﺟﻌﻔﺮ ﺯﺍﺭﺩ ﺍﻟﺒﻴﺖ ﺑﺎﻟﺨﻮﺍﺟﺎﺕ
ﻳﺒﻘﻰ ﺣﺪﺍﺷﺮ ﻭﺧﻮﺍﺟﻴﺔ
ﻧﺎﺱ ﺍﻟﺒﻠﺪ ﺍﻟﻜﺴﺮﻭ ﻋﻠﻴﻬﻦ
ﺻﺪﻭ ﻳﻘﻠﺒﻮ ﻓﻲ ﺇﻳﺪﻳﻬﻦ
ﻋﺪﻣﺎﻧﻴﻦ ﻣﻦ ﺇﺳﻢ ﺣﻜﻴﻢ
ﻭﻻ ﺧﺒﻴﺮﺍً ﻟﻠﻤﺸﺮﻭﻉ
ﻋﻠﻤﺎﺀ ﺁﺛﺎﺭ..ﻓﻀﻠﺖ ﻓﻲ ﺁﺛﺎﺭ
ﻣﺎ ﺧﻤﻮﻫﺎ ﺍﻟﺠﻮﻧﺎ ﻗﺒﻠﻜﻦ..ﺷﻦ ﺧﻠﻮﻟﻨﺎ ﺑﻼ
ﺣﺠﺎﺭ
ﺍﻟﻠﻪ ﻳﺼﺮﻑ ﺍﻟﺨﻮﺍﺟﺎﺕ
ﺑﻴﻨﺎﺕ ﺟﻌﻔﺮ ﻭﺍﻟﻤﺤﺠﻮﺏ..ﻭﺍﻟﻤﺤﺠﻮﺏ
ﻭﺍﻟﺨﻮﺍﺟﺎﺕ
ﻃﻘﺖ ﺣﺠﻲ..ﺍﻟﻌﻤﺪﺓ ﻃﻔﺎﻫﺎ
ﺑﺎﻗﻲ ﺍﻟﻨﺎﺱ ﺍﻟﺠﺎﺕ ﻟﻠﻔﺮﺟﻲ..
ﻗﻨﺒﻮ ﻗﻴﻠﻮ ﺷﺒﻌﻮ ﻟﺤﻮﻡ..ﻭﺍﻟﺨﻮﺍﺟﺔ ﻳﺼﻮﺭ
ﺳﺎﻛﺖ
ﺳﺘﺔ ﺧﺮﻓﻦ ﻭﺗﻴﺲ ﻣﺎ ﻛﻔﻦ
ﺳﺘﺔ ﺧﺮﻓﻦ ﻓﻲ ﻓﺪ ﻳﻮﻡ
ﺍﻟﻤﻌﺪﻭﻡ ﺃﺷﻜﺎﻝ ﻭﺃﻟﻮﺍﻥ
ﺃﻱ ﺧﺪﺍﺭ ﻓﻲ ﺍﻟﻴﻮﻡ ﺩﺍﻙ ﻓﻲ
ﻛﻤﻠﻦ ﺭﻑ ﻛﻤﻴﻦ ﺩﻛﺎﻥ
ﺃﻭﻝ ﻛﻔﻮ ﺍﻟﺨﻮﺍﺟﺎﺕ
ﺑﻌﺪﻭ ﺍﻟﻌﻤﺪﺓ ﻭﺻﻤﺪ ﺍﻟﺴﺎﻗﻴﺔ
ﻧﺎﺱ ﺍﻟﻤﺠﻠﺲ ﻭﺍﻟﻤﺸﺮﻭﻉ
ﺑﻌﺪﻭ ﺍﻟﻄﻠﺒﺔ ﻭﺑﺎﻗﻲ ﺍﻟﻨﺎﺱ
ﺣﺘﻰ ﺍﻟﺸﻔﻊ ﻭﺍﻟﺤﺮﻭﻡ
ﺳﺘﺔ ﺧﺮﻓﻦ ﻭﺗﻴﺲ ﺇﻧﺼﻔﻦ
ﺳﺘﺔ ﺧﺮﻓﻦ ﻓﻲ ﻓﺪ ﻳﻮﻡ
ﺟﺎﺕ ﻣﻦ ﺻﺎﻟﺢ ﺑﺖ ﻛﻠﺘﻮﻡ
ﺗﺴﻜﺖ ﺗﺨﺒﺰ ﻃﻮﻝ ﺍﻟﻴﻮﻡ
ﻟﻤﻦ ﺣﺮﻗﺖ ﺍﻟﺪﻭﻻﺏ
ﻗﻨﺒﺖ ﺍﻟﻤﺴﻜﻴﻨﺔ ﺗﺪﻋﻲ
ﺍﻟﻠﻪ ﻳﺼﺮﻑ ﺍﻟﺨﻮﺍﺟﺎﺕ
ﻏﺎﻳﺔ ﺍﻟﻠﻴﻠﺔ ﺍﻟﺴﻘﺎ ﻳﺸﻮﻟﻖ
ﻭﺍﻃﺎﺕ ﺍﻟﻠﻪ ﺩﻱ ﺳﺖ ﺭﺷﺎﻫﺎ
ﻣﺎ ﻓﻲ ﻏﻨﻮﺗﺎً ﻣﺎ ﻏﻨﺎﻫﺎ
ﻣﺎ ﻓﻲ ﻣﺪﺣﺘﺎً ﻣﺎ ﺳﻮﺍﻫﺎ
ﺣﻤﺎﺭﻭ ﺻﺒﺢ ﻟﺤﻖ ﺃﻣﺎﺕ ﻃﻪ
ﺳﺐ ﺍﻟﺪﻳﻦ ﻭﺍﻷﻣﺮﻳﻜﺎﻥ
ﺟﻨﺲ ﺑﺪﻉ
ﺯﻭﻟﻚ ﺩﻩ ﻳﺤﻴﺮ
ﻋﻨﺪ ﺍﻟﺠﺪ ﻛﺎﻥ ﺃﺩﻩ ﻳﻨﻘﻨﻖ
ﻋﻨﺪ ﺍﻟﻔﺎﺭﻏﺔ ﻳﺸﻴﻞ ﻭﻳﺒﻌﺰﻕ
ﺇﺫﻛﺮﺕ ﻛﻼﻣﻚ ﻟﻴﺎ..
ﺇﻧﻮ ﻓﻲ ﻧﺎﺱ ﻻﻋﺒﻴﻦ ﺑﺎﻟﺪﻳﻦ
ﻭﻧﺎﺱ ﻻﻋﺒﺎﺑﺎ ﺍﻷﻣﺮﻳﻜﺎﻥ
ﺍﻟﻠﻪ ﻳﺼﺮﻑ ﺍﻷﻣﺮﻳﻜﺎﻥ
ﺍﻟﻠﻪ ﻳﺼﺮﻑ ﺍﻟﺼﺮﻓﻴﻜﺎﻥ
ﻣﺎ ﺧﻠﻮﻧﻲ ﻧﺸﺪﺗﻚ ﻣﻨﻚ
ﻛﻴﻔﻦ ﺣﺎﻟﻚ ﻭﺍﻟﺨﺮﺗﻮﻡ
ﻛﻴﻒ ﺍﻟﻤﺼﻨﻊ ﻭﺍﻟﻌﻤﺎﻝ
ﺣﺎﻟﻢ ﻟﺴﻊ ﻧﻔﺲ ﺍﻟﺤﺎﻝ ؟
ﻭﻣﺎ ﺭﻗﻮﻙ ﺳﻮﻭﻙ ﺑﺎﺷﻜﺎﺗﺐ ؟
ﻳﻮﺭﻳﻨﺎ ﺍﻟﻠﻪ ﺯﻳﺎﺩﺓ ﺍﻟﺮﺍﺗﺐ
ﻛﻴﻒ ﺍﻟﻨﺎﺱ ﻭﺍﻟﺤﺎﻟﺔ ﻋﻤﻮﻡ ؟
ﻭﺍﻟﻌﺰﺍﺑﺔ ﺍﻟﻜﺤﻴﺎﻧﻴﻦ
ﺳﻴﺪ ﺍﻟﺒﻴﺖ ﻋﻞ ﻣﺎ ﺯﻛﺎﻛﻢ
ﻟﺴﻊ ﺗﻘﻌﻮ ﺗﻘﻮﻣﻮ ﺑﺮﺍﻛﻢ ؟
ﻗﻠﺒﻲ ﻣﻌﺎﻛﻢ
ﺭﺑﻲ ﻳﺨﺪﺭ ﻋﻮﺩ ﺿﺮﻋﺎﺗﻜﻢ
ﺑﺎﻟﻲ ﻣﻌﺎﻙ ﻳﺎ ﺍﻟﺰﻳﻦ ﻭﺩ ﺣﺎﻣﺪ
ﺑﺎﻟﻲ ﻫﻨﺎﻙ ﻭﺍﻟﺸﻮﻕ ﺍﻟﺸﻮﻕ
ﺧﻠﻰ ﺷﺪﻳﺮ ﺍﻟﺠﻮﻑ ﻣﺤﺮﻭﻕ
ﺭﺍﺟﻲ ﻣﻄﻴﺮﺓ ﺍﻟﺰﻳﻦ ﻭﺩ ﺣﺎﻣﺪ
ﻧﺤﻨﺎ ﻧﺼﺎﺣﺎً ﺯﻱ ﻭﺍﻃﺎﺗﻨﺎ
ﻧﺤﻨﺎ ﻧﺼﺎﺡ ﺇﻻ ﺍﻟﻘﺮﺍﺹ ﻭﺍﻟﺘﺠﺎﺭ ﻭﺍﻟﺤﺎﺻﻞ
ﺍﻟﺒﺤﺼﻞ ﻛﻞ ﺻﺒﺎﺡ
ﺷﺘﻼﺗﻚ ﻗﺒﻀﻦ
ﺍﻟﺤﻤﻼﻥ ﻛﺒﺮﻥ ﺑﻠﺤﻴﻞ
ﺍﻟﻌﻀﻤﻴﻦ ﺍﻟﺮﻭﻛﺔ ﺇﻧﺰﺭﻋﻦ
ﺍﻭﻋﻚ ﺗﺸﻔﻖ ﻣﻦ ﺗﺎﻻﻧﺎ
ﻭﻻ ﻧﺒﻘﺎﻟﻚ ﻣﺸﻐﻮﻟﻴﺔ
ﺯﻳﻚ ﻭﺍﺣﺪ ﻣﺴﺘﻮﺭﻳﻦ ﻭﻣﺎ ﻧﺎﺳﻴﻦ ﺍﻟﻤﺴﺌﻮﻟﻴﺔ
ﻫﻲ ﻳﺎ ﺍﻟﺰﻳﻦ ﺯﻏﺮﺩ
ﺑﺖ ﺍﻡ ﺯﻳﻦ ﺟﺎﺑﺖ ﻟﻬﺎ ﺑﺖ
ﺳﺘﺔ ﺃﻭﻻﺩ ﺣﺘﺎﻥ ﺍﻟﺒﺖ
ﺍﻟﻤﺤﺠﻮﺏ ﻳﻨﺸﺪ ﻣﻦ ﺧﺒﺮﻙ
ﺷﺎﻓﻌﻮ ﻣﺤﺴﺐ ﻣﻦ ﻳﻮﻣﻴﻦ
ﺍﻟﺘﻮﻣﺎﺕ ﻃﻴﺒﺎﺕ ﻭﻧﺼﺎﺡ
ﺇﻻ ﻏﺒﺎﺵ ﺑﻠﺤﻴﻞ ﺁ ﺍﻟﺰﻳﻦ
ﺭﺍﺷﺪ ﻛﺮﺭ..ﺷﻬﺮ ﺍﺗﻨﻴﻦ ﻛﺎﻥ ﻣﺎ ﺟﻴﺖ ﺃﻧﺎ ﻣﺎ
ﺑﻄﻬﺮ
ﺍﻟﻠﻪ ﻳﺒﻌﺪ ﺍﻟﻌﺎﺭﺿﻲ ﺗﻌﺎﻝ
ﻛﺎﻥ ﻓﺪ ﺩﻭﺭ ﻳﺪﻭﻙ ﻳﺎ ﺗﻌﺎﻝ
ﻛﺎﻥ ﺑﺎﻟﺨﺼﻢ ﺇﻥ ﺷﺎﺀ ﺍﻟﻠﻪ ﺗﻌﺎﻝ
ﻭﻣﺎ ﺗﺘﻮﺻﻰ..ﻭﺩﺍﻋﺔ ﺍﻟﻠﻪ
ﺃﻭﻋﻰ ﺍﻟﺒﺸﻐﻞ ﻭﺍﻟﻌﺮﺑﺎﺕ ﻭﺍﻟﺤﻴﻜﻮﻣﺔ
ﺍﻟﺴﻤﻬﺎ ﻓﺎﻳﺮ
ﺃﻡ ﺃﻭﻻﺩﻙ ﺳﺖ ﺍﻟﺪﺍﺭ ﺑﺖ ﺃﺣﻤﺪ ﺟﺎﺑﺮ
ﺭﺩ ﻣﻨﻪ)ﺟﻮﺍﺏ ﺃﻭﻝ(
ﺳﺖ ﺍﻟﺪﺍﺭ ﺑﺖ ﺃﺣﻤﺪ ﻛﻴﻔﻚ
ﺟﺎﻧﻲ ﺟﻮﺍﺑﻚ ﻣﻔﺘﻮﺡ ﺷﺎﺭﻉ
ﺟﺎﻧﻲ ﺟﻮﺍﺑﻚ ﻭﺍﻧﺎ ﺑﺘﺬﻛﺮ ﻓﻲ ﻧﺎﺱ ﺭﺍﺷﺪ
ﻭﺍﻟﺘﻮﻣﺎﺕ
ﻓﻲ ﺍﻟﺸﺘﻼﺕ ﻭﺍﻟﺤﺎﻟﺔ ﻋﻤﻮﻡ
ﻧﺎﺱ ﺣﻠﺘﻨﺎ ﺍﻟﺘﺤﺖ..ﺍﻟﻔﻮﻕ
ﺍﻟﻠﻴﻬﻢ ﺍﻟﻠﻪ ﻭﻋﻴﺸﺔ ﺍﻟﺴﻮﻕ
ﺟﺎﻧﻲ ﺟﻮﺍﺑﻚ ﻭﺍﻧﺎ ﺑﺘﺼﻮﺭ
ﻓﻲ ﺍﻟﻤﺸﺮﻭﻉ ﻭﻋﻤﺎﻳﻞ ﺟﻌﻔﺮ
ﻭﻟﻤﺎ ﺑﻜﻴﺖ..ﻳﺎ ﺳﺖ ﺍﻟﺪﺍﺭ
ﺃﻳﻮﺓ ﺑﻜﻴﺖ..ﻳﺎ ﺳﺖ ﺍﻟﺪﺍﺭ
ﻟﻤﺎ ﻗﺮﻳﺖ ﻋﻠﻤﺎﺀ ﺁﺛﺎﺭ
ﻋﻠﻤﺎﺀ ﺇﻳﻪ ﻳﺎ ﺑﺖ ﺍﻟﻨﺎﺱ
ﺳﻮﺍﺡ ﺇﻳﻪ..ﻣﺎ ﻋﻨﺪﻙ ﺭﺍﺱ
ﺳﺖ ﺍﻟﺪﺍﺭ ﺗﺘﻮﻫﺪﺑﻲ ﻟﻴﻪ
ﺩﻳﻼ ﺟﻤﺎﻋﺔ ﺍﻟﺴﻲ ﺁﻱ ﺇﻳﻪ
ﺗﻌﺮﻓﻲ ﺇﻳﻪ ﺍﻟﺴﻲ ﺁﻱ ﺇﻳﻪ ؟؟
ﺍﻣﺮﻳﻜﺎﻥ ﻓﻲ ﻛﻞ ﻣﻜﺎﻥ
ﺩﻳﻞ ﻣﺎﻟﻴﻦ ﺍﻟﺪﻧﻴﺎ ﻣﻠﻲ
ﺩﻳﻞ ﻗﺎﻟﻴﻦ ﺍﻟﺨﻠﻖ ﻗﻠﻲ
ﺑﺎﺳﻢ ﺍﻟﺪﻳﻦ ﻭﺍﻷﻣﺮﻳﻜﺎﻥ ﺃﻱ ﻋﻮﺝ ﻣﺒﺪﻱ
ﻭﻣﺨﺘﻮﻡ
ﺻﻮﺗﻨﺎ ﻫﻨﺎﻙ ﻭﻫﻨﺎ ﻣﻜﺘﻮﻡ
ﻭﻣﺎﻓﻲ ﻓﺮﻕ ﻓﻲ ﺍﻟﻮﻗﺖ ﺍﻟﺮﺍﻫﻦ ﺑﻴﻦ
ﻭﺍﺷﻨﻄﻦ ﻭﺍﻟﺨﺮﻃﻮﻡ
ﺃﻧﺎ ﻣﺄﺯﻭﻡ..ﻣﺄﺯﻭﻡ..ﻣﺄﺯﻭﻡ
ﻳﺎ ﺧﺮﻃﻮﻡ ﻭﻳﻨﻚ ﻭﻳﻨﻚ
ﻳﺎ ﺧﺮﻃﻮﻡ ﺷﻦ ﺷﺐّ ﻭﻗﻠﺒﻚ ﻭﺳﻠﺒﻚ
ﺣﻠﺒﻚ ؟ ﺯﻧﺠﻚ ؟ ﺑﺠﺘﻚ ؟ ﻧﻮﺑﺘﻚ ؟ ﻋﺮﺑﻚ ؟
ﺃﻧﺎ ﻣﺄﺯﻭﻡ..ﻣﺄﺯﻭﻡ..ﻣﺄﺯﻭﻡ
ﻳﺎ ﺧﺮﻃﻮﻡ ﺃﺯﻣﻨﻲ ﺍﻟﺼﻠﺒﻚ ﻓﻮﻕ ﺍﻟﻄﻠﺤﺔ
ﺍﻷﻣﺮﻳﻜﻴﺔ
ﻳﺎ ﺧﺮﻃﻮﻡ..ﺃﻭﻩ ﺧﺮﻃﻮﻡ..ﺃﻭﻩ ﻭﺍﺷﻨﻄﻮﻡ
ﻃﻦ..ﻟﻔﺘﻚ ﻓﺠﺮﺍً ﻳﻘﻄﻊ ﺭﺣﻄﻚ
ﺳﺖ ﺍﻟﺪﺍﺭ ﺳﺎﻣﻌﺎﻧﻲ ﻳﺎ ﺍﺧﻴﺘﻲ ﻭﻣﺮﺗﻲ ﻭﺍﻣﻲ
ﻭﺃﻡ ﺍﻟﻜﻞ
ﺃﻧﺎ ﺑﻨﺪﻫﻠﻚ ﻣﻦ ﺷﺎﺭﻉ ﺍﻟﻠﻪ..ﻓﻮﻗﻲ ﻫﺠﻴﺮ
ﻭﺍﻟﺘﺤﺘﻲ ﺑﻘﻞ
ﺳﺒﻲ ﻣﻌﺎﻳﺎ ﺍﻟﺸﺮﺩﻭ ﺭﺍﺟﻠﻚ..ﻭﺍﻟﺤﺮﻣﻮﻧﺎ
ﺷﻮﻳﺔ ﺍﻟﻀﻞ
ﺳﺒﻲ ﺍﻟﺤﺎﻟﺔ ﺍﻟﻌﺎﻟﺔ ﻋﻠﻴﻨﺎ..ﺣﺘﻰ ﺍﺣﻜﻴﻠﻚ
ﺑﺎﻟﺘﻔﺼﻴﻞ
ﺣﺎﺻﻞ ﺍﻟﺤﺎﺻﻞ ﻳﺎ ﺑﺖ ﺃﺣﻤﺪ
ﺟﺎﻧﻲ ﻭﻓﺪ ﻓﻲ ﺍﻟﻤﺼﻨﻊ ﺯﺍﻳﺮ..ﻭﻛﺎﻥ ﺍﻟﻮﻓﺪ
ﺩﻩ ﺃﻣﺮﻳﻜﺎﻧﻲ
ﻟﻒّ ﻭﻓﺎﺕ ﺍﻟﻴﻮﻡ ﺍﻟﺘﺎﻧﻲ
ﺟﺎﻧﺎ ﻣﺪﻳﺮ ﺍﻟﻤﺼﻨﻊ ﻓﺎﻳﺮ
ﻭﺷﻮ ﺣﻤﺎﺭ ﺍﻟﻌﻤﺪﺓ ﺍﻟﻌﺎﻳﺮ
ﻧﻒ ﺍﻟﻤﺼﻨﻊ ﻓﻴﻬﻮ ﺧﺴﺎﻳﺮ
ﻭﻗﺎﻟﻮﺍ ﻳﺨﻔﻀﻮﺍ ﻣﺌﺘﻴﻦ ﻋﺎﻣﻞ
ﻣﺌﺘﻲ ﻋﺎﻣﻞ ﻓﻲ ﻓﺪ ﻣﺮﺓ
ﻣﺎﺋﺘﻴﻦ ﻋﺎﻣﻞ..ﻣﺎﺋﺘﻴﻦ ﻋﺎﻣﻞ
ﻳﺒﻘﻮﺍ ﻫﻮﺍﻣﻞ..ﻳﺒﻘﻮﺍ ﻫﻮﺍﻣﻞ ؟؟
ﻣﺎ ﻳﻬﻤﻮﺵ..ﺍﻟﻬﻢ ﺍﻟﻤﺼﻨﻊ
ﺗﻒّ ﻗﺮﺍﺭﻭﺍ ﻭﻓﺎﺕ ﻓﻲ ﺣﺎﻟﻮ
ﻣﺴﺌﻮﻟﻴﻦ ﻭﻧﻘﺎﺑﻴﻴﻦ ﻣﺎﻓﻲ ﺍﻟﻌﺎﺭﺽ ﻭﺍﻟﻼ
ﺍﺗﺮﺟﻰ
ﺍﻟﻌﻤﺎﻝ ﻣﻦ ﺳﻤﻌﻮﺍ ﺍﺣﺘﺠﻮﺍ...ﺳﻴﺮﻭ ﻣﻮﻛﺐ
ﺻﺎﻣﺪ ﻭﺻﺎﻣﺖ
ﺇﺗﻀﺎﻣﻨﺎ ﻣﻌﺎﻫﻢ ﺳﺮﻧﺎ..
ﺃﺏ ﻋﺮﺍﻡ ﺩﻭﺭ ﻋﺮﺑﻴﺘﻮ..ﺍﻟﻌﺮﺑﻴﺔ ﺍﻻﻣﺮﻳﻜﻴﺔ
ﺯﻧﻘﺢ ﺧﻼ ﺍﻟﻤﻮﻛﺐ ﺛﺎﺑﺖ
ﺍﺣﺘﺠﻴﻨﺎ ﻣﻊ ﺍﻹﺣﺘﺠﻮ
ﺇﺗﻜﻠﻤﻨﺎ ﻛﻼﻡ ﻣﻮﺿﻮﻋﻲ
ﻗﻠﻨﺎ ﺍﻟﻤﺼﻨﻊ ﺣﻖ ﺍﻟﺪﻭﻟﺔ..ﻭﺍﻟﻌﻤﺎﻝ ﺃﺻﺤﺎﺏ
ﺍﻟﺤﻖ
ﻫﻲ ﺍﻟﻠﻲ ﺗﻘﺮﺭ ﻭﺍﻟﺘﺘﻮﻟﻰ
ﻫﻲ ﺍﻟﺒﺘﺤﺪﺩ ﺳﻴﺮ ﺍﻟﻤﺼﻨﻊ
ﺇﻳﺪ ﺍﻟﻌﺎﻣﻞ ﻫﻲ ﺍﻟﻌﺎﺩ ﺗﻨﺘﺞ
ﻣﺎ ﺍﻟﻤﻜﻨﺎﺕ ﺍﻷﻣﺮﻳﻜﻴﺔ
ﺯﻳﺖ ﺍﻟﻌﺎﻣﻞ ﻳﺎﻫﻮ ﺍﻟﺒﻄﻠﻊ..ﻣﻮ ﺍﻟﻤﻜﻨﺎﺕ
ﺍﻷﻣﺮﻳﻜﻴﺔ
ﻭﺩﺭﻥ ﺍﻷﻳﺪﻱ ﺍﻟﻌﻤﺎﻟﻴﺔ
ﺃﻧﻀﻒ ﻣﻦ ﻟﺴﻨﺎﺕ ﺍﻟﻔﺠﺮﺓ
ﻭﺩﻳﻦ ﺍﻟﺪﻗﻦ ﺍﻟﺸﻴﻄﺎﻧﻴﺔ
ﻭﻣﻦ ﻛﺮﻓﺘﺔ ﺍﻟﺒﻨﻚ ﺍﻟﺪﻭﻟﻲ..ﻭﻛﻞ ﻭﺟﻮﻩ
ﺍﻟﺮﺍﺳﻤﺎﻟﻴﺔ
ﻭﺃﺷﺮﻑ ﻣﻦ..............
ﺩﺍﻙ ﺍﻟﺤﻴﻦ ﺍﻟﻤﺼﻨﻊ ﻫﺎﺝ
ﺟﺎﺕ ﻋﺮﺑﺎﺕ ﺍﻟﻼﺕ ﺑﻮﻟﻴﺲ..ﻓﻀﻮﺍ ﺍﻟﻌﺎﻟﻢ
ﺑﺎﻟﻜﺮﺑﺎﺝ
ﻭﺍﻟﺒﻤﺒﺎﻥ ﺍﻷﻣﺮﻳﻜﺎﻧﻲ
ﺷﺮﻗﺖ ﺷﻤﺲ ﺍﻟﻴﻮﻡ ﺍﻟﺘﺎﻧﻲ
ﻛﻨﺎ ﺣﺪﺍﺷﺮ ﻭﻧﻮﺑﺎﻭﻳﺔ
ﻣﺘﻬﻤﻨﺎ ﺑﺎﻟﺘﺨﺮﻳﺐ ﻭﺍﻟﺘﺤﺮﻳﺾ ﻭﺍﻟﺸﻴﻮﻋﻴﺔ
ﺍﻟﺒﻮﻟﻴﺲ ﺻﺎﻗﻊ ﺷﻴﻮﻋﻴﺔ
ﻭﻓﺎﻛﺮ ﻧﻔﺴﻮ ﺑﻨﺒﺬ ﻓﻴﻨﺎ
ﻫﻲ ﺁ ﺑﻮﻟﻴﺲ ﺃﻣﻚ ﻣﺴﻜﻴﻨﺔ
ﺍﻟﺒﻮﻟﻴﺲ ﻋﻤﺪﻧﻲ ﺷﻴﻮﻋﻲ
ﺍﻟﺘﺤﻘﻴﻖ ﻃﻠﻌﻨﻲ ﻣﺪﺍﻥ
ﺍﻟﺘﺤﻘﻴﻖ ﻃﺒﻌﺎً ﺗﺤﻘﻴﻘﻬﻢ ﺃﻭ ﺗﺤﻘﻴﻖ
ﺍﻷﻣﺮﻳﻜﺎﻥ
ﺍﺳﺒﻮﻋﻴﻦ ﻋﺸﻨﺎﻫﻢ ﺟﻮﻩ
ﺍﺳﺒﻮﻋﻴﻦ ﺯﺍﺩﻧﻨﺎ ﻗﻮﺓ
ﺳﺖ ﺍﻟﺪﺍﺭ ﻣﺎ ﺗﺸﻔﻘﻲ ﺧﺎﻟﺺ
ﺳﺖ ﺍﻟﺪﺍﺭ ﺃﻧﺎ ﻳﺎﻧﻲ ﺍﻟﺰﻳﻦ
ﺳﺖ ﺍﻟﺪﺍﺭ ﺳﺎﻣﻌﺎﻧﻲ ﻛﻮﻳﺲ ؟
ﻛﻞ ﺍﻟﻬﻢ ﻣﺎ ﻳﻐﺸﻰ ﺍﻟﻐﻢ ﺑﻴﺘﻨﺎ ﻭﺭﺍﺷﺪ
ﻭﺍﻟﺘﻮﻣﺎﺕ
ﻭﻛﻞ ﺍﻟﻨﺎﺱ ﺍﻟﺤﺎﻟﻬﻢ ﺷﺎﻫﺪ
ﺳﺖ ﺍﻟﺪﺍﺭ ﺍﻟﺸﻮﻕ ﺍﻟﻮﺍﺣﺪ
ﻟﻲ ﺣﻠﺘﻨﺎ ﻭﻟﻴﻜﻢ ﻟﻴﻜﻢ
ﻭﻟﻺﺷﺮﺍﻕ ﻓﻲ ﻋﻴﻨﻴﻜﻢ
ﻭﻛﻞ ﺍﻟﻨﺎﺱ ﺍﻟﺰﻭﻟﻬﻢ ﺻﺎﻣﺪ
ﺷﻮﻕ ﻭﺳﻼﻡ.
ﺍﻟﺰﻳﻦ ﻭﺩ ﺣﺎﻣﺪ
ﺭﺩﻱ ﺳﺮﻳﻊ..ﺑﺎﻟﻴﺪ..ﺑﺎﻟﻴﺪ
ﻓﻲ ﺩﻭﺭﻳﻦ ﻣﻮﻋﻮﺩ ﺑﻲ ﺷﻐﻠﺔ
ﻟﻤﺖ ﻟﻤﺖ..ﻛﺎﻥ ﻣﺎ ﻟﻤﺖ ﺃﻧﺎ ﺟﺎﻳﻴﻜﻢ ﻭﻣﺎ
ﻧﺪﻣﺎﻥ
)ﺟﻮﺍﺏ ﺛﺎﻧﻲ(
)ﺑﻌﺪ ﺍﻟﺤﺎﺻﻞ ﻭﺍﻹﺗﺤﺼﻞ ﺳﺖ ﺍﻟﺪﺍﺭ ﺑﺖ
ﺃﺣﻤﺪ ﺗﻜﺘﺐ: (
ﺯﻳﻨﻲ ﺍﻟﺰﻳﻦ..ﺃﺏ ﺣﺎﻻً ﺯﻳﻦ
ﺟﺎﻧﻲ ﺟﻮﺍﺑﻚ..ﻳﺎ ﺍﻟﻤﺒﺮﻭﻙ
ﻭﺳﺎﺑﻨﻲ ﺃﺷﻮﻑ ﺍﻟﺪﻧﻴﺎ ﻛﻮﻳﺲ
ﻭﺃﻋﺮﻑ ﻏﻠﻂ ﺍﻟﺼﺎﺡ ﻣﻈﺒﻮﻁ
ﺳﺎﺑﻨﻲ ﺃﻣﻴﺰ..ﻭﺃﻗﺪﺭ ﺃﻓﺮﺯ..ﺃﺭﺟﻊ ﺃﻣﻴﺰ
ﻓﺮﺣﺎﻧﺎﺑﻚ ﻳﺎ ﺃﺣﺰﺍﻥ
ﻓﺮﺡ ﺍﻟﻨﺎﺭ ﺑﻲ ﻟﻮﺡ ﺍﻟﺰﺍﻥ
ﻣﺒﺴﻮﻃﺎﺑﻚ ﻳﺎ ﺍﻟﻤﺒﺴﻮﻁ
ﻣﺎ ﻫﺰﺍﻧﻲ ﻣﺼﻴﺮﻙ
ﻗﺪﺭ ﻣﺎ ﻫﺰﻭﻧﻲ ﺍﻟﻤﻴﺘﻴﻦ ﻋﺎﻣﻞ
ﻣﻴﺘﻴﻦ ﻋﺎﻣﻞ ﻓﻲ ﻓﺪ ﻣﺮﺓ
ﻣﻴﺘﻴﻦ ﺍﺳﺮﺓ ﺗﺮﻭﺡ ﻭﻳﻦ
ﻓﻲ ﺍﻷﻳﺎﻡ ﺍﻟﻨﺠﺴﺔ ﺍﻟﻤﺮﺓ
ﻣﻴﺘﻴﻦ ﻋﺎﻣﻞ؟؟
ﻭﺍﻟﻠﻪ ﻣﻬﺎﺯﻝ
ﻭﺍﻟﻠﻪ ﻋﻤﺎﻳﻞ
ﻳﺎ ﺃﻭﻏﺎﺩ..ﻭﻳﻨﺎ ﻧﻘﺎﺑﺔ ﺍﻟﺴﺠﻢ ﺍﻟﺸﻮﻡ
ﻭﻳﻦ ﻋﻤﺎﻝ ﺍﻟﺴﻜﺔ ﺭﻣﺎﺩ
ﻭﻳﻦ ﺍﻟﻄﻠﺒﺔ ﻭﻭﻳﻦ ﺍﻟﻮﻳﻦ
ﺑﻌﺘﻮ ﺷﻔﻴﻌﻜﻢ ﻳﺎ ﻋﻤﺎﻝ
ﺑﻌﺘﻮ ﻭﺟﻴﻌﻜﻢ ﻟﻠﺮﺍﺳﻤﺎﻝ
ﻭﺷﻦ ﺭﺍﺟﻴﻦ ﻳﺎ ﺗﻌﺴﺎ ﺍﻟﺤﺎﻝ
ﻫﺎﻛﻢ ﺩﻱ..
ﻭﺍﻟﻠﻪ ﻣﻬﺎﺯﻝ
ﻣﻴﺘﻴﻦ ﻋﺎﻣﻞ ؟
ﻭﺍﻟﻠﻪ ﻋﻤﺎﻳﻞ
ﻋﺎﻣﻞ ﺳﺎﻛﻦ ﻓﻲ ﺁﺧﺮ ﺍﻟﺪﻧﻴﺎ
ﻭﺻﻞ ﺍﻟﻤﺼﻨﻊ ﺑﺂﺧﺮ ﺑﻨﻴﺔ
ﻳﻨﺘﺞ ﻛﻴﻒ؟ ﺷﻐﺎﻝ ﺑﻲ ﻓﻮﻧﻴﺎ؟
ﻋﺎﻣﻞ ﻳﻨﺘﺞ ﻋﺸﺮﻳﻦ ﺣﺘﺔ
ﺗﻠﺤﻘﻮ ﻣﻨﻬﺎ ﻗﻴﻤﺔ ﺇﺗﻨﻴﻦ
ﺳﺘﺔ ﺑﻐﻄﻮﺍ ﺍﻟﻤﻨﺼﺮﻓﺎﺕ
ﺳﺒﻌﺔ..ﺗﻤﺎﻧﻴﺔ..ﺗﺴﻌﺔ ﺑﻐﻄﻮﺍ
ﺃﺩﻫﺎ ﺗﺴﻌﺔ ﺍﻟﻤﻨﺼﺮﻓﺎﺕ
ﻛﻞ ﺍﻟﻔﺎﻳﺾ..ﺑﺪﺧﻞ ﻭﻳﻦ؟
ﻗﻮﻟﻮﺍ ﺍﻟﺒﻔﻀﻞ ﺑﻤﺸﻲ ﻟﻲ ﻣﻴﻦ؟
ﻭﺑﺮﺿﻮ ﺧﺴﺎﻳﺮ؟
ﻭﺍﻟﻠﻪ ﻣﻬﺎﺯﻝ
ﻳﺎ ﻣﻀﻐﻮﻁ..ﺧﻔﺾ ﻣﻴﺰﻙ ﺣﺒﺔ ﺗﻴﻦ
ﺗﻨﻚ ﺍﻟﻘﻌﺪﺓ ﺗﻼﺗﺔ ﺧﻄﻮﻁ
ﺧﻔﻒ ﻣﺮﺗﻚ ﺗﻮﺏ ﻣﻀﻐﻮﻁ
ﻣﻦ ﺍﻟﺘﻤﺴﺤﺒﻮ ﻛﺒﺎﺑﻲ ﺍﻟﺼﻴﻦ
ﺧﻔﺾ ﻋﻤﺮﻙ ﻳﺎ ﺍﺑﻦ ﺍﻟﻔﺎﻧﻴﺔ
ﻭﺑﻲ ﻧﻈﺎﺭﺗﻚ ﻭﺍﺟﻪ ﺛﺎﻧﻴﺔ
ﺛﺎﻧﻴﺔ ﻋﻴﻮﻥ ﺍﻟﺸﻐﺎﻟﻴﻦ
ﺛﺎﻧﻴﺔ ﻭﺑﺲ
ﻭﺍﻟﻠﻪ ﻣﻬﺎﺯﻝ
ﻣﻴﺘﻴﻦ ﻋﺎﻣﻞ ؟
ﻣﻴﺘﻴﻦ ﺑﻴﺖ ؟
ﻣﻴﺘﻴﻦ ﺍﺳﺮﺓ ﺑﻼ ﺭﺍﺱ ﺧﻴﻂ؟
ﻣﻴﺘﻴﻦ ﺍﺳﺮﺓ ﻣﻠﻮﻫﺎ ﺟﺮﺍﺡ
ﻣﻴﺘﻴﻦ ﺍﺳﺮﺓ ﺣﺎ ﺗﻮﻟﺪ ﺻﺎﺡ
ﻭﻟﻴﻜﻢ ﻳﻮﻡ ﻳﺎ ﺃﻭﻻﺩ ﺍﻟﻬﺮﻣﺔ
ﻟﻴﻪ ﻳﺎ ﺍﻟﺰﻳﻦ ﺑﺘﻮﺻﻲ ﻋﻠﻲّ
ﻭﺍﻧﺎ ﺑﺖ ﺍﺣﻤﺪ ﺳﺖ ﺍﻟﺪﺍﺭ
ﺍﻡ ﺍﻭﻻﺩﻙ ﻭﻫﻢ ﺻﻐﺎﺭ..ﺍﻡ ﺍﻭﻻﺩﻙ ﻭﻫﻢ ﻛﺒﺎﺭ
ﻭﻳﺎﻙ ﺍﻟﺰﻳﻦ ﻭﺩ ﺣﺎﻣﺪ ﺩﺍﻙ
ﻛﺎﻥ ﻣﺘﻮﻇﻒ..ﻳﺎﻛﺎ ﺍﻟﺰﻳﻦ
ﻛﺎﻥ ﻣﺘﻮﻗﻒ..ﻳﺎﻛﺎ ﺍﻟﺰﻳﻦ
ﻟﻴﺶ ﻳﺎ ﺍﻟﺪﺧﺮﻱ ﺗﻮﺻﻲ ﻋﻠﻴﺎ
ﺍﺳﺒﻮﻋﻴﻦ ﻗﻀﻴﺘﻦ ﺟﻮﻩ
ﻳﺒﻘﻰ ﻏﺼﺐ..ﺯﺍﺩﻧﻚ ﻗﻮﺓ
ﻟﻴﺶ ﻳﺎ ﺍﻟﺰﻳﻦ ﺑﺘﻮﺻﻲ ﻋﻠﻴﺎ
ﻟﻴﺶ ﻳﺎ ﺍﻟﺪﺧﺮﻱ ﺗﻮﺻﻲ ﻋﻠﻴﺎ
ﻭﻋﺎﺭﻑ ﺍﻡ ﺭﺍﺷﺪ ﻭﺍﻟﺘﻮﻣﺎﺕ..ﻣﺮﺗﺎً ﺩﻏﺮﻱ
ﻭﻏﻠﺒﺎﻭﻳﺔ
ﺁﻩ ﻳﺎ ﺍﻟﺰﻳﻦ..ﻟﻮ ﻛﻨﺖ ﻣﻌﺎﻛﻢ..ﻛﻨﺖ ﺑﻘﻴﺖ
ﺍﻟﻨﻮﺑﺎﻭﻳﺔ
ﻣﺎ ﺗﻬﺘﻢ ﻳﺎ ﺍﻟﺰﻳﻦ ﺑﺎﻟﺤﺎﺻﻞ
ﻭﺍﺻﻞ ﺳﻌﻴﻚ..ﻭﺍﺻﻞ ﻭﺍﺻﻞ
ﻭﺍﺻﻞ ﺳﻴﺮﻙ
ﻛﺎﻥ ﻣﺎ ﻛﻨﺖ ﺍﻟﺰﻳﻦ ﻭﺩ ﺣﺎﻣﺪ ﻛﺎﻥ ﺣﺎ ﻳﻜﻮﻧﻚ
ﻭﺍﺣﺪ ﻏﻴﺮﻙ
ﻓﻲ ﻓﻀﺎﺀ ﻓﺎﻟﻚ ﻳﺎ ﺇﻧﺴﺎﻥ
ﻧﺴﻤﺔ ﺗﻘﻮﻟﻚ ﻓﻲ ﺍﻹﻣﻜﺎﻥ
ﺃﺑﺪﻉ ﻭﺍﺣﺴﻦ ﻣﻦ ﻣﺎ ﻛﺎﻥ
ﻳﺎﺗﻮ ﻣﻄﺮﺗﺎً ﺳﻮﺕ ﺷﻮ..ﻓﺮﻗﻮ ﻏﻴﻤﺎ
ﺍﻷﻣﺮﻳﻜﺎﻥ
ﻳﺎﺗﻮ ﺭﺻﺎﺹ ﻣﺎ ﻋﻘﺒﻮ ﺧﻼﺹ
ﻳﺎﺗﻮ ﺳﺠﻦ ﻳﺎ ﺍﻟﺰﻳﻦ ﻭﺩ ﺣﺎﻣﺪ
ﻳﺎﺗﻮ ﻣﺤﻦ ﺗﻤﺤﻰ ﺍﻹﺣﺴﺎﺱ
ﻟﻤﺎ ﻳﻜﻮﻥ ﻓﻲ ﺍﻟﺴﺎﺱ ﻭﺍﻟﺮﺃﺱ
ﻳﺎﺗﻮ ﻭﻃﻦ ﻳﺎ ﺍﻟﺰﻳﻦ ﻭﺩ ﺣﺎﻣﺪ
ﻳﺎﺗﻮ ﺯﻣﻦ ﺩﺍﻡ ﻟﻸﻧﺠﺎﺱ
ﻃﻪ ﺗﺮﺍﺑﻠﺘﻮ ﺭﺍﺣﻮ ﺍﻟﺪﻳﺶ
ﻏﺰّﺍ ﺑﻜﺎﻧﺎ ﺍﺗﻨﻴﻦ ﺭﻃﺎﻧﺔ
ﺻﺎﻗﻊ ﻛﻠﻮ ﻣﻦ ﺍﺳﻤﺎﻋﻴﻦ
ﻫﻮ ﺍﻟﻔﺴﺮ ﻟﻬﻦ ﺍﻟﺸﻐﻼﻧﺔ
ﻭﻳﺎ ﺍﺳﻤﺎﻋﻴﻦ
ﻣﺎ ﻛﺎﻥ ﺍﻟﺪﻳﺶ ﺷﻖّ ﻣﺴﻴﻤﻌﻚ ﺑﺎﻟﺠﺒﺨﺎﻧﺔ
ﻟﻮ ﺍﻟﻤﺠﻠﺲ ﻗﺒﻞ ﺍﻭﺭﺍﻗﻚ..ﺃﻭ ﻓﻲ ﺍﻟﺜﺎﻧﻮﻱ
ﻟﻘﻴﺖ ﻟﻚ ﺧﺎﻧﺔ
ﻟﻜﻦ ﻗﺪﺭﻙ ﻳﺎ ﺇﻧﺴﺎﻥ..ﺑﻠﺪﺍً ﻫﺎﺹ ﻫﻴﺼﺔ
ﺟﺒﺎﻧﺔ
ﻃﺎﻟﻮ ﺍﻟﻨﺎﺱ ﺍﻟﺘﺮﻳﺎﻧﻴﻦ..ﺿﻠﻮ ﺍﻟﻠﻪ ﺍﻟﻤﺎ ﺿﻼﻧﺎ
ﺃﺧّﺪﻭ ﻧﻮﺭﺓ ﺍﻟﺤﺎﺝ ﺑﺎﻟﺪﻕ
ﺑﺎﻛﺮ ﺩﻭﺭ ﻣﺎ ﺧﺶّ ﻋﻠﻴﻬﺎ
ﺧﺎﺗﻲ ﺍﻟﻠﻮﻡ ﻗﻄﻊ ﺍﻟﺘﻤﺮﺍﺕ ﺍﻟﻔﻮﻕ ﺭﺍﺱ ﺑﻴﺘﻮ
ﺍﻟﺨﻠﻔﺎﺀ ﺷﻜﻮﻫﻮ ﻭﻣﺎ ﻟﻘﻮ ﺣﻖ
ﺍﻟﻤﺤﺠﻮﺏ ﺇﺗﻠﻘﻰ ﺍﺧﺒﺎﺭﻙ ﻭﻗﺎﻝ ﺟﺎﻳﻴﻚ ﻓﻲ
ﺃﻭﻝ ﺑﺺ
ﺍﻟﺒﺮﺳﻴﻢ ﻃﻬﺮﻧﺎ ﺍﻟﺒﺎﺭﺡ
ﻧﻌﺠﺔ ﺭﺍﺷﺪ ﺻﺒﺤﺖ ﻭﺍﻟﺪﺓ
ﺍﻟﺤﻴﻀﺎﻥ ﺳﻘﻨﺎﻫﻦ ﻟﻮﺑﻲ
ﺍﻟﺘﻮﻣﺎﺕ ﻃﻴﺒﺎﺕ ﻭﻧﺼﺎﺡ
ﺭﺍﺷﺪ ﻃﻴﺐ
ﻭﺍﻧﺎ ﻃﻴﺒﻴﻦ
ﻛﻞ ﺍﻟﻨﺎﺱ ﻳﺎ ﺍﻟﺰﻳﻦ ﻃﻴﺒﻴﻦ
ﻳﻨﺸﺪﻭ ﻣﻨﻚ ﻓﻲ ﺍﻷﻓﺮﺍﺡ
ﻭﻓﻲ ﺍﻷﺗﺮﺍﺡ..ﺍﻟﺰﻳﻦ ﺍﻟﺰﻳﻦ
ﻣﺎ ﺗﺸﻐﻞ ﺑﺎﻟﻚ
ﺑﺲ ﻳﺎ ﺍﻟﺰﻳﻦ ﻛﺎﻥ ﺩﺭﺕ ﻣﺸﻮﺭﺗﻲ
ﺍﺻﻠﻮ ﻛﺘﺎﻟﻚ ﻳﺎﻫﻮ ﻛﺘﺎﻟﻚ
ﺗﺠﻲ ﻣﻨﺪﻟﻲ
ﺍﻟﻮﺍﻃﺎﺓ ﺗﺮﺍﻫﺎ
ﻭﺑﻲ ﺟﺎﻱ ﺟﺎﻱ..ﺑﻨﺪﺑﺮ ﺣﺎﻟﻚ
ﻣﺎ ﺍﻟﺤﻴﻜﻮﻣﺔ ﺍﻟﻀﺎﻗﺖ ﺩﻣﻚ
ﻋﻴﻨﺎ ﻣﺤﻞ ﻗﺒﻠﺖ ﻗﺒﺎﻟﻚ
ﺷﻮﺭﺗﻚ ﻋﻨﺪﻙ
ﻋﻨﺪﻙ ﺷﻮﺭﺗﻚ
ﻭﺍﻟﺒﺒﻘﺎﻟﻚ..ﺍﻟﺒﺒﻘﺎﻟﻚ
ﺍﻟﺘﻤﺮﺍﺕ ﺑﻌﻨﺎﻫﺎ ﺁ ﺍﻟﺰﻳﻦ
ﺧﻔﻨﺎ ﺍﻟﺴﻮﺱ ﻭﻧﺰﺍﻟﺔ ﺍﻟﺴﻮﻕ
ﻣﺒﻌﻮﺗﺎﻟﻚ ﻋﺸﺮﺓ ﺟﻨﻴﻪ
ﻭﺍﻷﺷﻮﺍﻕ ﻣﻦ ﻫﻨﺎ ﻻ ﻋﻨﺪﻙ
ﺳﺖ ﺍﻟﺪﺍﺭ ﺃﺣﻤﺪ ﺟﺎﺑﺮ
ﺗﻠﻐﺮﺍﻓﺎﺕ:
ﺗﻠﻐﺮﻓﻴﻦ ﻓﻲ ﻭﻗﺖ ﻭﺍﺣﺪ:
ﻧﻮﺭﻱ.ﺍﻟﺴﻮﻕ..ﺳﺖ ﺍﻟﺪﺍﺭ ﺑﺖ ﺃﺣﻤﺪ ﺟﺎﺑﺮ
ﺍﻟﻤﺤﺠﻮﺏ ﻓﻲ ﻗﻄﺮ ﺍﻟﻴﻮﻡ
ﻋﻔﺶ ﺍﻟﺰﻳﻦ
ﺍﻟﻨﻮﺑﺎﻭﻳﺔ
ﺍﻟﺨﺮﻃﻮﻡ..ﺍﻟﺨﺮﻃﻮﻡ ﺑﺤﺮﻱ..ﻛﺸﻚ
ﺍﻟﺸﻌﻠﺔ..ﺍﻟﺰﻳﻦ ﻭﺩ ﺣﺎﻣﺪ
ﺭﺍﺷﺪ ﺭﺍﻗﺪ ﻭﺍﻟﻮﺍﻃﺎﺓ ﺟﻌﻔﺮ ﻃﺎﻟﻖ ﻓﻴﻬﺎ
ﺑﻬﺎﻳﻤﻮ
ﺳﺖ ﺍﻟﺪﺍﺭ ﺑﺖ ﺍﺣﻤﺪ ﺟﺎﺑﺮ
ﻧﻮﺭﻱ ﺍﻟﺴﻮﻕ ﺍﻟﻤﺤﺠﻮﺏ ﻭﺩ ﺃﺣﻤﺪ ﺟﺎﺑﺮ
ﻛﺘﺐ ﺍﻟﺰﻳﻦ..ﻛﻞ ﺍﻻﻭﺭﺍﻕ..ﺭﺍﺷﺪ ﻛﻴﻒ
ﺍﻟﻨﻮﺑﺎﻭﻳﺔ
ﺍﻟﺨﺮﻃﻮﻡ..ﺍﻟﺨﺮﻃﻮﻡ ﺑﺤﺮﻱ..ﻛﺸﻚ
ﺍﻟﺸﻌﻠﺔ
ﺍﻟﻨﻮﺑﺎﻭﻳﺔ
ﺃﻧﺎ ﻓﻲ ﺍﻟﺴﻜﺔ ﻭﺳﺖ ﺍﻟﺪﺍﺭ
ﺭﺍﺷﺪ ﻭﺩ ﺍﻟﺰﻳﻦ ﻭﺩ ﺣﺎﻣﺪ
ﻣﻦ ﺗﻨﻘﺎﺳﻰ ﻭﺍﻟﺒﺮﻛﻞ ﻭﻟﻰ ﺍﻟﻌﻔﺎﺽ
ﻣﻦ ﻋﻨﺪ ﺃﻭﺳﻠﻰ ﻟﻰ ﺍﻟﺤﻮﺷﺎﺏ
ﻟﻰ ﻋﻨﺪ ﻧﻮﺭﺓ ﻭﺍﻟﺤﻴﺮﺍﻥ
ﻗﺸﺎﺑﻰ ﺍﻟﺸﺎﻣﺨﻰ ﻭﺍﻟﻜﺮﻓﺎﺏ
ﻭﻣﺮﻭﻯ ﺍﻟﺴﻤﺤﻰ ﻣﺎﺏ ﺗﻨﻔﺎﺕ
ﻛﺮﻳﻤﻰ ﺍﻟﺴﻮﻕ ﻭﻟﻰ ﺍﻟﺪﻭﻣﺎﺕ
ﻭﺗﻐﺸﻰ ﺍﻟﺰﻭﻣﺔ ﻭﺍﻟﺤﺎﺟﺎﺏ
ﻗﺮﻳﺮﻧﺎ ﺍﻟﻨﺎﻳﺮﻯ ﺃﻡ ﺷﺘﻼﺕ
ﺣﺰﻳﻤﺔ ﻭﻛﻮﺭﺗﻰ ﺷﻴﺦ ﻭﺭﺍﻕ
ﺍﻟﻜﻨﻴﺴﻰ ﺍﻟﻌﺎﻣﺮﻯ ﺑﺎﻷﻳﻤﺎﻥ
ﻭﻻ ﻣﺴﺎﻭﻯ ﻭﺍﻟﺪﺑﺔ
ﺣﺠﻴﺮ ﻭﻣﻘﻞ
ﺑﺨﻴﺖ ﻭﺷﺮﻕ
ﺩﺑﻴﺒﻰ ﻭﺑﻘﻌﺔ ﺍﺑﺮﻧﺎﺕ..
ﺍﻟﺘﻮﻗﻴﻊ:
ﺃﺻﺒ

الوالي
11-07-2012, 09:02 AM
ﻟﻴﻘﺎﻥ
ﺣﻤﻴﺪ
ﺍﻧﻴﻘﻨﺖ ﻣﻦ ﺗﺎﻻﻙ
ﺃﻧﺎ ﺍﻧﻴﻘﻨﺖ
ﻻﺍﺳﻒ ﻭﻻﻣﺤﺰﻭﻥ
ﻋﻠﻰ ﺍﻟﻌﻤﺮ ﺍﻟﻘﻴﺘﻮ ﻣﻌﺎﻙ
... ... ... ... ...
ﺑﺮﺍﻱ ﺑﺎﻗﻲ ﺍﻟﺪﺭﺏ ﺑﻤﺸﻲ
ﻭﺧﻄﺎﻱ ﺗﻌﺪﻡ ﺍﻟﻬﺪﺍﻱ
ﺃﻛﺎﻥ ﺍﻟﺴﻜﺔ ﺣﺎﺭﺕ ﺑﻲ
ﻭ ﺃﻛﺎﻥ ﻛﺮﺕ ﺳﻤﻮﻡ ﺍﻟﺼﻲ
ﻋﻠﻲ ﻧﺴﻢ ﺍﻟﻌﺸﻢ ﺟﻮﺍﻱ
ﻗﻮﺍﻓﻞ ﺻﺒﺮﻱ ﻣﺎﺏ ﺗﻀﻬﺐ
ﻭﺃﻣﺎﻥ ﺣﺎﺩﻳﻬﺎ ﻣﻮ ﺍﻟﺪﻭﺑﺎﻱ
... ... ...
ﺧﻴﻮﻝ ﻗﺒﺎﻝ ﺩﺍ ﻣﺎﺗﺮﺕ
ﻭﻻﻓﺮﺕ ﻣﻦ ﺍﻟﺤﻮﺑﺎﺕ
ﻭﻻﺣﺮﺕ
ﻭﻻ ﺃﻧﺸﺪﺕ
ﻭﻷﺻﺪﺕ ﺳﺮﻭﺟﻪ ﺑﻼﻱ
ﻭﺃﻋﻮﺩ ﻣﻦ ﺩﺭﺑﻚ ﺍﻟﺪﺭﺩﺍﺭ
ﻋﻠﻲ ﺷﻌﺐ ﺍﻟﻴﻘﺎﻥ ﻣﺴﻨﻮﺩ
ﻭﺍﺣﺮﺱ ﺍﻟﻌﺮﺳﺔ ﻣﻦ ﺗﺎﻻﻱ
ﻭﺭﻳﺢ ﺷﺠﻦ ﺍﻟﻠﻴﺎﻟﻲ ﺍﻟﺴﻮﺩ
ﺻﻪ..ﺻﻪ ﻳﺎ ﺍﻟﺤﺸﺎ ﺍﻟﻤﻬﺮﻭﺩ
ﻭﻫﺒﺪ ﻏﻠﺒﻚ ﺍﻟﻮﻗﺎﺩ
ﻗﺒﻞ ﻣﺎﻳﺮﻗﺪﻙ ﻫﺒﻮﺩ
ﻋﺸﺘﻮ ﻣﻌﺎﻫﻮ ﻣﺎﻫﻮ ﺃﺟﻮﺍﺩ
ﺯﻣﺎﻧﻲ ﺑﻼﻫﻮ ﻳﺒﻘﻲ ﻳﺠﻮﺩ
.. ... ... ..
ﻋﻴﺸﻜﻦ ﻳﺎﻗﻤﺎﺭﻱ ﻋﻠﻲٌ
ﺃﻧﺎ ﺍﻟﻘﻄﺖ ﺗﻘﻲ ﺩﻧﻴﺎﻱ
ﻭﻋﺸﻜﻦ ﺍﺑﻨﻲ ﺑﻲ ﺇﻳﺪﻱ
ﺃﻧﺎ ﺍﻟﺒﻴﻦ ﺍﻟﺮﻳﺎﺡ ﺟﺎﻱ ﺟﺎﻱ
ﺷﺮﻃﺎٍ ﻣﺎﺗﻘﻮﻗﻦ ﻟﻲ
ﻗﻮﻗﻴﻲ ﻳﺒﻬﻠﻦ ﻋﻴﻨﻲ
ﻭﻳﻮﻗﺪ ﻓﻲ ﺩﻭﺍﺧﻠﻲ ﺍﺳﺎﻱ
"ﻣﻨﻮ ﺍﻟﻌﺰّ ﺍﻟﺤﺒﻴﺐ ﻣﺎ ﻻﻙ
ﻭﻗﺪﺱ ﻟﻲ ﻋﻴﻮﻧﻮ ﺍﻟﺴﻮﺩ
ﺃﻛﺎﻥ ﺳﻮﻳﺖ ﻏﻨﺎﻙ ﻓﻲ ﻋﻮﺩ
ﻛﺎﻥ ﺧﺪﺭ ﻣﻼ ﺍﻟﻮﺍﻃﺔ
ﻭﻛﺎﻥ ﻓﻮّﺡ ﻋﺒﻴﺮ ﻭﻭﺭﻭﺩ
ﻭﻣﺎ ﻛﺎﻥ ﺍﻟﺰﻣﻦ ﻃﺎﻃﺎ
ﻻ ﻭﻗﻊ ﺍﻧﺤﺰﻡ ﻭﺃﻗﻮﺩ"
.. ... ... ..
ﺷﻴﺸﻜﻦ ﻳﺎﻗﻤﻴﺮﻳﺎﺕ
ﻛﻢ ﻣﻦ ﻗﺒﻠﻲ ﺧﺎﺏ ﻣﺴﻌﺎ
ﻭﻣﺎ ﺷﻖ ﺍﻟﺠﻴﻮﺏ ﻭﺩﻋﺎ
ﻋﻠﻲ ﺟﻮﺭ ﺍﻟﺤﺒﻴﺐ ﺑﺂﻳﺎﺕ
ﻭﻻﻫﺘﻚ ﺍﻟﻘﻠﻮﺏ ﻭﻧﻌﺎ
ﻣﺰﺍﺭﺍﺕ ﺍﻟﻘﺮﻳﺐ ﺑﺄﺑﻴﺎﺕ
ﻭﻻ ﻧﻮﺡ ﻋﻠﻲ ﺍﻟﺮﺍﺣﻦ
ﻗﺪﺭ ﻣﺎﻇﻦ ﻓﻲ ﺍﻟﺠﺎﻳﺎﺕ
ﻣﻈﺎﻥ ﺍﻟﺨﻴﺮ ﻭﺟﺮﺣﻮ ﻭﻋﺎ
ﻭﻧﻈﺮ ﻗﺪﺍﻡ ﻣﻀﻤﺪ ﺳﻜﺘﻮ ﺍﻟﻤﻮﺟﻌﻪ
.. ... .. ... ..
ﻭﻛﺜﺮ ﺧﻴﺮﻭ ﻳﺎ ﺃﻳﺎﻡ
ﻭﻛﺜﺮ ﺧﻴﺮﻙ ﺃﻧﺘﻲ ﻣﻌﺎ
ﺩﻩ ﻣﺎ ﺃﻭﻝ ﺻﺪ ﻭﻻ ﻭﻵﺧﺮ ﻭﺩ
ﻭﻛﻢ ﻣﻦ ﺻﺪ ﻭﺩﺍﺩﻱ ﺭﻋﺎ
ﻭﻳﺎ ﺯﺍﺭﻉ ﺣﻴﺎﺗﻲ ﺻﺪﻭﺩ
ﻋﺬﺍﺑﻲ ﻣﻌﺎﻙ ﺇﻧﻲ ﻏﻤﺎﻣﺔ
ﻭﺍﻧﺖ ﻛﺮﻛﻲ ﻻ ﻣﺤﺪﻭﺩ
ﻭﻧﺒﺖ ﺍﻟﺒﻴﻨﺎ ﻛﺎﻥ ﻻﺑﺪ
ﻳﻀﺒﻠﻦ ﻣﺎ ﻳﻀﺒﻠﻦ ﻛﻴﻒ
ﻭﺍﻧﺖ ﻟﻘﻴﺘﻮ ﻋﺰ ﺍﻟﺼﻴﻒ
ﺻﻬﺎﺩﻳﺐ ﺍﻟﺼﻌﺐ ﺻﺎﻻ
ﻧﺘﻘﺖ ﺍﻟﻨﺴﻤﺔ ﻣﻦ ﺗﺎﻻ
ﻧﺘﻘﺖ ﺍﻟﻐﻴﻢ ﺧﺮﻳﻒ ﻭ ﺧﺮﻳﻒ
ﺣﺒﺴﺖ ﺗﺴﺎﺑﻮ ﺗﺤﺖ ﺍﻟﻘﻴﻒ
ﻭﻗﻄﻊ ﺳﺮﺳﺎﺭ ﺟﺪﺍﻭﻝ ﺍﻟﻮﺩ
ﻭﺻﻨﻪ ﻳﺒﺎﺏ ﻭﺩﺍﺑﻚ ﺟُﺪ
ﻗﺒﻴﻞ ﻭﻳﻦ ﻛﺖ ؟
ﻗﺒﻴﻠﻚ ﻛﺎﻥ ﻳﻜﻔﻲ ﺭﺯﺍﺯ
ﺑﻌﺪ ﺩﺍ ﺇﻥ ﺟﻴﺖ
ﺃﻭﺩﻳﻚ ﻭﻳﻦ
ﺑﻌﺪ ﺩﺍ ﺇﻥ ﺟﻴﺖ
ﻭﺃﻧﺎ ﺍﺗﻴﻘﻨﺖ ﺑﺪﺭﻱ ﻗﺒﻴﻞ
ﺑﻌﺪ ﻓﺮﺟﺖ ﻓﻲ ﺍﻟﻠﻴﻞ
ﻭﻧﺒﺎﻩ ﺍﻟﺪﻏﺶ ﻓﻲ ﺍﻟﻌﻴﻦ
ﻭﺃﻧﻬﻜﺖ ﺍﻟﻮﺩﺍﺩ ﺑﺎﻟﺼﺪ
ﻭﺍﺷﻮﺍﻗﻲ ﺍﻟﻐﺒﺶ ﺑﺎﻟﺒﻴﻦ
ﺣﻠﻴﻠﻚ ﻛﻨﺖ ﺯﻭﻟﻲ ﺃﻧﺎ
ﻭﻣﻼﺫﻱ ﺍﻟﻔﻲ ﺍﻟﺴﻤﺢ ﻭﺍﻟﺸﻴﻦ
ﺗﻤﻮﺕ ﺁﻫﺎﺗﻲ ﻟﻤﺎ ﺗﺒﻖ
ﻣﺘﻞ ﺟﻬﺮ ﺍﻟﻌﺪﻳﻞ ﻭﺍﻟﺰﻳﻦ
ﺧﻄﺎﻱ ﻓﻮﻕ ﺩﺭﺑﻚ ﺍﻟﺪﺭﺩﺍﺭ
ﺗﺸﻮﻟﺖ ﻣﻦ ﻣﺘﻴﻦ ﻭﻣﺘﻴﻦ
ﻣﻮﺭﻗﺖ ﺍﻟﺒﻴﻮﺕ ﺑﺎﻟﻮﺩ
ﻧﻮﺭﻗﺖ ﺍﻟﺤﺼﺎﺩ ﻛﺎﻥ ﺻﺪ
ﻭﻛﺎﻥ ﻻﺑُﺪ ﺣﻠﻴﻠﻲ ﺗﺼﺪ
ﻧﺎﻥ ﺗﻘﻌﺪ ﺗﻨﺎﺟﻲ ﺍﻟﻄﻴﻒ
ﺑﻼ ﺍﻟﺒﻴﺪﻭﺩﻱ ﻓﻲ ﺍﻟﻨﻴﺮﺍﻥ
ﻭﻣﺎ ﻣﻦ ﺧﻠﻮﺓ ﻻﻣﻦ ﺿﻴﻒ
ﻣﻲ ﻛﻢ ﻣﻦ ﺷﺘﻠﺔ ﻓﻮﻕ ﺍﻟﻘﻴﻒ
ﺑﺘﻴﺒﺲ ﻭﻛﻢ ﺣﺮﺍﺯ ﻓﻲ ﺍﻟﺴﺎﺏ
ﻳﺨﺪﺭ ﻳﻮﻡ ﺑﺤﻴﺮﻭ ﻳﺼﺪ
ﺃﻣﺶ ﻳﻌﺪﻝ ﻋﻠﻴﻚ ﺍﻟﻠﻪ
ﻃﺮﻳﻘﻚ ﻻ ﻏﻠﺐ ﻻ ﺁﻩ
ﻭﻻ ﻧﺴﻤﻊ ﻣﺮﻳﻜﺒﻚ ﺗﺎﻩ
ﻭﺳﻂ ﻟﺠﺔ ﺯﻣﻦ ﺟﻬﺠﺎﻩ
ﻭﺃﻧﺎ ﺍﻟﺰﻱ ﺍﻟﺸﻌﻮﺏ ﻣﻐﻠﻮﺏ
ﺯﻣﺎﻥ ﺍﻟﺴﺨﺮﺓ ﻭﺍﻟﻤﻼﻙ
ﺃﻧﺎ ﺍﻟﻌﺒﻴﺖ ﻣﺨﺎﻟﻲ ﺭﻳﺪ
ﻭﻗﻠﺖ ﻟﻚ ﻳﺎ ﺍﻟﺤﺒﻴﺐ ﻫﺎﻙ
ﺃﻧﺎ ﺍﻟﻘﺒﻴﺖ ﻟﻮﻳﺒﻲ ﺍﻹﻟﻔﺔ
ﺃﻟﻘﻢ ﻓﻲ ﺟﺪﻱ ﻣﺤﻴﺎﻙ
ﺃﻧﺎ ﺍﻟﺒﺎﺳﻤﻚ ﺑﺒﻴﺖ ﻣﺤﺮﻭﺱ
ﻭﺑﻲ ﺭﺳﻤﻚ ﺑﻘﻴﺖ ﻣﻬﻮﻭﺱ
ﺍﻧﺎ ﺍﻟﺼﺒﻴﺖ ﻣﻄﻴﺮﺓ ﺷﻮﻕ
ﺭﻭﻳﺘﻚ ﺩﻣﻲ ﻫﻤﻲ ﺃﻟﻘﺎﻙ
ﻭﺟﺎﻧﻲ ﺍﻟﺠﺎﻧﻲ ﻣﻦ ﺩﻧﻴﺎﻙ
ﻭﻣﻦ ﺗﻌﺐ ﺍﻟﻘﻤﻴﺤﻲ ﺍﻟﺮﻭﺱ
ﻭﻣﻦ ﻧﺨﻞ ﺍﻟﻤﻮﺩﺓ ﺍﻟﺒﻮﺹ
ﻟﻘﻴﺖ ﺷﺪﺭ ﺍﻟﻬﻮﻯ ﺍﻟﻨﺪﻳﺎﻥ
ﻣﺠﺮﺩ ﻋﻮﺩ ﻭﻧﺎﻗﺮﻭ ﺍﻟﺴﻮﺱ
ﻭﻣﺎ ﻧﻮﺣﺖ ﻗﺖ"ﻳﺎﻣﻼﻙ
ﺣﺮﺍﻡ ﺭﺣﻤﺎﻙ ﺃﻧﺎ ﺍﻟﺒﻬﻮﺍﻙ"
ﻭﻻ ﺣﻨﻴﺖ ﺃﺯﻭﺭﻙ ﻳﻮﻡ
ﺃﻧﺎ ﺍﻟﻄﻮﻝ ﺍﻟﻮﻟﻒ ﺳﺎﺳﺎﻕ
ﺟﻤﻌﺖ ﺃﺷﻼﻱ ﻭﻟﻤﻠﻢ ﺭﻭﺣﻲ
ﻣﻦ ﺑﻴﻦ ﺭﻳﺢ ﺯﻣﻦ ﻓﺮﺍﻕ
ﻭﻗﺖ ﻳﺎﻗﻠﺒﻲ ﺭﻏﻢ ﺍﻟﻐﻠﺐ
ﻻ ﺍﻧﻜﺴﺮﺕ ﻗﻠﻴﻠﺔ ﺍﻟﻮﻋﺪ
ﻭﻻﻧﺪﻓﻖ ﻭﻓﺎ ﺍﻟﻌﺸﺎﻕ
ﻭﻻ ﺿﺎﻗﺖ ﺭﺣﺎﺑﺔ ﺍﻟﻜﻮﻥ
ﻭﻻﻏﻤﺎً ﻧﺘﺢ ﺣﺮﺍﻕ
ﺑﺤﺐ ﺍﻟﻨﺎﺱ ﻣﺸﻴﺖ ﻣﺴﻜﻮﻥ
ﺃﻧﺎ ﺍﻟﻴﻲ ﺩﺍ ﻭﺣﺒﺎﻳﺒﻲ ﻳﻲ ﺩﻳﻞ
ﻭﺷﻴﻠﺘﻲ ﺃﻣﺎﻧﻲ ﺷﺎﻳﻠﺔ ﺷﻴﻞ
ﻭﻓﻲ ﺇﻳﺪﻱ ﻋﺰﺍﻱ ﻋﺼﺎ ﻣﻮﺳﺎﻱ
ﺇﺫﺍ ﺩﻧﻴﺎﻙ ﺣﺒﺎﻝ ﻓﺮﻋﻮﻥ
ﻓﻴﺎ ﺿﻞ ﺍﻟﻐﻨﺎ ﺍﻟﻤﺎﻳﻞ ﺩﺭﻳﺒﻲ ﻋﺪﻳﻞ
ﺍﺭﻡ ﻣﻮﺯﻭﻥ
ﻋﻠﻲ ﻧﺎﺳﺎ ﻏﺒﺶ ﺑﺎﻟﺤﻴﻞ
ﺑﺘﺂﻛﻞ ﻣﻦ ﻭﺷﻲ ﺍﻟﻮﺍﻃﺔ
ﻭﺗﺸﺮﺏ ﻣﻦ ﺑﻮﺍﻗﻲ ﺍﻟﺴﻴﻞ
ﻭﺗﻨﻄﺎﺭﺵ ﺟﺮﺍﺡ ﺍﻟﺤﺎﻝ
ﺗﺤﺖ ﻣﻮﺍﻝ ﻣﻌﻄﺮ ﻓﺎﻝ
ﻳﻘﻄﺮ ﻣﻦ ﻋﻴﻮﻥ ﺍﻃﻔﺎﻝ
ﺑﺘﻔﻠﺢ ﻣﻦ ﻫﺠﻴﺮﻩ ﺿﻠﻴﻞ
ﻳﺠﻢ ﺟﻮﺍﻫﺎ ﺯﻱ ﺷﺒﺎﻝ
ﻳﺮﺳﻲ ﺍﻟﺨﺎﻃﺮ ﺍﻟﻤﻐﺒﻮﻥ
ﻳﻠﻮﻟﻲ ﺑﻨﺴﻲ ﺟﻮﻉ ﺍﻟﺒﺎﻝ
ﺧﻼ ﺍﻟﻤﺎﻋﻮﻥ..
ﺗﻔﺘﺶ ﻓﻲ ﺍﻟﻘﻤﻴﺮﺓ ﺷﻠﻴﻞ
ﺷﻠﻴﻠﻪ ﺍﻟﻤﺎﻓﻲ ﺗﺮﺑﻲ ﺭﺟﺎﻝ
ﻭﺗﻤﺮﻕ ﻓﻲ ﺍﻟﺪﺭﻭﺏ ﺁﻣﺎﻝ
ﺗﻌﺪﻝ ﺍﻟﻤﻴﻞ..
ﻭﺗﺮﻛﺰ ﻟﻲ ﺭﻣﺎﺡ ﺍﻟﻮﻳﻞ
ﻭﺭﺍﺀ ﺩﺭﻕ ﺍﻟﻌﺸﻢ ﻓﻲ ﺑﻜﺮﺓ
ﻳﺎﺑﻜﺮﺍﻫﺎ ﺷﺎﻥ ﻣﺎﺗﻜﻮﻥ
ﻭﻳﺎﺑﻜﺮﺍﻧﺎ ﻗﺪﺭ ﺍﻟﻜﻮﻥ
ﺑﻌﺪ ﺍﻟﺨﻴﻞ..
ﻭﺍﺷﺪ ﺍﻟﺤﻴﻞ..
ﻭﺍﺗﻜﻦ ﻓﻮﻕ ﺗﻘﺎﻧﺖ ﺍﻟﻠﻴﻞ
ﺷﻌﺎﻋﺎﺕ ﺍﻟﻐﻨﺎ ﺍﻟﻤﻴﻤﻮﻥ
________

الوالي
11-13-2012, 03:10 PM
:
ﻳﺘﺸﺎﻳﺢ ﺟﺮﺣﻲ ﻭﺃﻏﻨﻴﻚ..
ﺧﻴﺮﻙ ﻣﻦ ﻏﻴﺮﻙ ﻳﻐﻨﻴﻚ..
ﻻ ﺗﻨﺪﻡ ﻭﺗﻨﺪﺏ ﻣﺎﺿﻴﻚْ
ﺍﺗﻘﺪﻡ ﻳﺎ ﻭﻃﻨﻲ ﺍﻟﻄﻴﺐ ﻣُﺪُﻥ
ﺍﻟﻤﺴﺘﻘﺒﻞ..ﺗﺮﺍ ﺩﻳﻚْ
...ﺷﻦ ﺩﺍﻋﻲ ﻗﺮﻳﻌﺘﻚ ﺗﻨﺪﻟﻰ..ﻭﺍﻟﻼّ ﺍﻧﺖ
ﻛﺮﺍﻣﺘﻚ ﺗﻨﺬﻝّ
ﺷﻦ ﻧﻔﺮ ﺍﻟﺨﻴﻤﺔ ﺍﻟﻤﺸﺮﻭﻃﺔ..ﺿُﻞ
ﺍﻟﺮﺍﻛﻮﺑﺔ ﺍﺫﺍ ﺿﻞّ
ﺍﻟﻘﻮﺕ ﻣﻦ ﻏﻴﺮﻙ ﺷﻦ ﻧﻔﺮﻭ..ﻭﺧﻴﺮﻙ ﻣﺎ
ﺩﻟﺔ ﺗﺤﻤﺪ ﺍﻟﻠﻪ
ﺗﻤﺮﺍً ﻛﺎﻥ ﺟﻌﺖ ﻧﻜﻔﻴﻚْ
ﻭﻗُﻄﻨﻚ ﻛﺎﺳﻴﻚ ﻭﻣﺪﻓﻴﻚْ
ﻣﻮﻳﺘﻚ ﺑﺘﺤﻤِّﻲ ﻭﺗﺴﻘﻴﻚْ
ﻃﻴّﺎﻧﺔ ﺟِﻨﺎﺗَﻚ ﻳﺎ ﻭﻃﻨﻲ..ﻭﻃﻴﻨﺎﻳﺘﻚ
ﻭﺣﺠﺮﻙ ﺑﺒﻨﻴﻚْ
ﻣﻦ ﻓﻮﻗﻚ ﺷِﻠْﺖَ ﺍﻟﺤﺮﻣﺎﻥ..ﻭﺍﺣﺰﺍﻧﻚ
ﺷﻠﺘﻬﺎ ﺑﻲ ﺻﻔﺤﺔ
ﺍﺧﺘﺮﺕ ﺍﻛﻮﻥ ﺍﻻﻧﺴﺎﻥ..ﺍﻟﻴﺪّﻱ ﻣﻨﺎﻣﺎﺗﻮ
ﻭﻳﺼﺤﻰ
ﺭﻗّﺪﺕَ ﻓﻲ ﺻﺪﺭِﻙ ﻏﻨﻮﺍﺗﻲ..ﻭﺣﺼّﻨﺘِﻚ ﻳﺎ
ﻓﺎﻃﻨﺔ ﺍﻟﺴﻤﺤﺔ
ﻋﻘﺒﺘﻨﻲ ﻋﻠﻴﻜﻲ ﺍﻟﺴّﺤﺎﺭﺓ..ﺿﻴﻌﺘﻲ
ﻭﺻﻴﺘﻲ ﻭﻓﻲ ﻟﻤﺤﺔ
ﻭﻣﻦ ﻳﻮﻣﻬﺎ ﻣَﻮﻫﺪَﺏ ﺯﻱ ﻛﻠﻤﺔ...ﻣﺎ ﺑﻴﻦ
ﺩﺍﺭﺟﻴﺘﻚ ﻭﺍﻟﻔﺼﺤﻰ
ﻭﻧﺘﺤﻤﻞ ﺻﻴﻔﻚ ﻭﻧﺎﺭ ﻛَﻴّﻚ..ﺷﺎﻥ ﻧﺴﻤﺔ
ﺗﺮﺷﺮﺵ ﻓﻲ ﻭﺷﻴّﻚ
ﺍﻭ ﻏﻴﻤﺔ ﺗﺮﺷﺮﺵ ﻟﻰ ﺻﻴّﻚْ
ﻣﻦ ﻣﻴﺘﻚ ﻃﺎﻟﻊ ﻣﻦ ﺣﻴّﻚْ
ﺍﺯﻳﻚ ﻳﺎ ﻭﻃﻨﻲ ﺍﺯﻳﻚْ

الوالي
12-11-2012, 01:57 PM
دا ما القلب البجرسو شوق اذا ما اختار سميرو بعاد
ولا القلب التبكي حبيبة لو غابت عن الميعاد

قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وتجواد إلا من الضعف معتوق

قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق

قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق

قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق

فشكرا ياحبيب الروح على مروادك المطبوق
انا ان حبيت بقدّر زولي وان فارق(ت) بفوت بي ذوق

دة ما القلب البجرسو شوق ..الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق

وداعاً يا حبيب الروح .. وداعاً يا ملاذ الروح ..
وداعا وما بقول بنساك .. وداعا والقلب محروق
وداعا وفي الختام دنياك مناي وراي تسوي القوق
تمدلك السعاده ايدينا لي فردوسا ليك تسوق
وداعاً يا حبيب الروح ..

وسيبني اعيش قسمتي وراك باسم والكبد محروق
وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق

الوالي
12-11-2012, 02:12 PM
كل ما تباعد بيننا عوارض .. كل ما هواك يا طيبة مكنى

تلد الغربة القرب الواعد .. بيكى أسمى الشوق وأكنى

لما أفوتك من دون خاطر .. أو دون خاطر منى تفوتى

بلقى حبايب فى كل حتة .. وكل بيوت الفقراء بيوتى

لا غيرت وراك السكة .. لا غيرت ملامح صوتى

لا غافلنى وهادن فنى .. غاب للمدن الما عرفتنى

سبنا الشوق الصبرو مصوبر .. للارياف الما وفتنى

للاطفال الناشفة ضلوعها .. ونازفة بغنى

أطمن روعها وهدى دموعها .. لبسمة بكرة الماها تمنى

ولا مصنوعة

للاطفال الناشفة ضلوعها .. ونازفة بغنى

أغعنى لشعبى ومين يمنعنى .. أغنى لقلبى إذا لوعنى

مخبر دربى الما رجعنى .. إذا طلعنى نخلة القرب

ولا الغربة الكدرومية .. تنزل غنوتى بقمرية

أو وقعنى ببطن الجب .. بطلع يوسف بالأغنية

أغنى الناس الما بتسمعنى .. امنى بعيد المبعد عنى

النادا نشيدها وكنت المعنى .. الأيدى فى إيدها وإيدها بتبنى

واريت غناوى لناس شغالة .. تكون سندالة وعود طورية

ضراع رجالة كتاب أطفاها .. وجملة بالها الما مكرية

سدة مالها وبقة فالها .. فى ليلة الدخلة على إسم قضية

حبيبة قلبى يا سودانية .. يا أسمى معانى لزول بيعانى

يا ود ضكران يا بت دغرية .. وانا إن سامعانى فصلت

أغانى غبش فقرية وروح غانيانى..هويتك منك يا دافعانى

.. براحة يدى كما الأشواقويا جابدانى براحة على

.. وما بتحير بين الفوق .. وبين الناس التحتانية

.. إلا مغير ولا عقوق .. ولا كفيف الإنسانية ..

ومنك وين يا كاشفة عينى .. بنور الإلفة ضيا الحنية

وحلم العلم ناس تتسالم .. والبنى آدم صافى النية

للاطفال الناشفة ضلوعها .. يطمن روعها وتبدا تغنى

غناوى بكرة الكم مسموعة .. حسيس طنبارة مع نقارة

صفقة حارة ودارة تغنى .. فيا حلتنا عليك ترابك

وأنت شبابك زينة الجنة .. أحلى عروس البلد اللتنا

ولا الغبش الرابة تغنى .. ولاهير المدن التصحى

وتمحى ظلام الحاصل عنى

كل ما تباعد بيننا عوارض .. كل ما هواك يا طيبة مكنى

الوالي
12-11-2012, 02:27 PM
نادوس

الحال وراك كيفن تسر باقيلك انتي بلاك في زين
ما تهشم ابريق الرضا خنست نسيمات السمح
والبسمه زي حبه قمح
لفحا وطفر طيرآ كتر
أورث غصافيري الضنى يبس غناها مع الفجر
هطل على الشجر الهموم وشاشات نهارات العنا
عانيت وراك جنس عنا
بوغ سهادي كرو النجوم
خطو المواويل ارتعش
حرس عصاتي بنات نعش
دومست فوق حجر البتول
هلوست بي صلب المسيح
دروش شردت من الضريح
شويمت بي ظلم الحسين
أومت على كم ميضنه
وما بين عيونك والمغول
ساهد بي قافله الحروف
وايقاع ظنابير الزمن
انصربع ايقاع الفصول
هبطت غمامه ورا الجبل
راحت من الليل الجروف
شهقت شعاب انساني خوف منك عليك على أي زول
وك نياق شوقا الضنا سرح عصا التسيار قبل
درب الحياه المرمول فنا
يا وقعة الواقفين هنال يا وقفه الواقعين هنا
يا آفة الوطن الجريح اشمعنى لا وصلك دنا
لا آفه الزمن المشيح قدرت رويحتي تيقنا
من جيتك المرقت بسيم الدهدهك روحت وين
يا زين مرقت مشيتي وين
غربل عليك ليل المدائن الكان زمانك حالا زين
ناشدتها وفتش نهارات القرى المتكيه فوق شعب الصبر
ساندتها علم بطانا الشيطنه
غنيت معاهم سودانا يا سودانا….
للمتهم والدنيا ليل والقمره بت فاتا القطر
وصف لهم حتة شليل
ردد حروفهم ردتها
وقف سحابي مع الدغش شهدتها
شهدت معايا على العذاب الهد أضلاع الغبش راعفتها
تكلت خدودا على بكاي لا قيت سجون جاهد بها
بي جيهة الجذب القديم دخلت مكندك بالشباب خنت التراب راودتها
فوق ها التراب واعدتها
لا انتي جيتي ولا هي آه روحت وين
يا وين مرقت مشيتي وين
كل البنات جو من المللى
هشت بكت شدت حكت وأزيارنا والمرحات خلي
يا انتي يا مرت العدل ماك في صعيدا تترجي
روحت وين قوليلنا بس من الغلبان تجي

لو فينا أطلعي مننا أو بره أدخلى … أدخلى
غنيتك البارح براي انصلبتو التانيين غناي
والليل بتواتاك شعر دونو انعتاقك أو فناي
هيا يا مغنين الشعر..ضد ها الزمان وطبنجتو
شعر الشعر…شعر أيوه يلا علينا جاي
ونكر المغني كمنجتو
نادوس يا فجر القصائد اندلق
ما حك جلدك مثل ظفرك فأنطلق
انا شرحنا لك صدرك أو شرخنا فأنعتق
يا أنت يا كل الذين لأجل خاطرهم طهوت غداه عقم زهور كلم لتنفتق
غضبآ يؤرق موقديه كورته
رجمآ لكل من تنازل أو تخاذل
أو تشاعر أو تداعر
أو تهاون أو تخاون أو تعاون ضد فتحك أو أتاني ليسترق
تربت يداك…تبت يدا كل الذين تغامزوا
وتهامزو وتلامزو وتقززو وتلذذو
من فيه جرحك يا وطن
نادوس أه … نادوس يا………
أمسينا يا نادوس وأصبحنا بيك يا أم
يا سوسه ضد السوس قلبآ بلاك يضم
ليل الضياع مهووس يحلم هواك يؤم
بعض الحصاد الروس عالم نداهو بعم
ختيت هواك فانوس بقالي شلتو وحم
جيت المدن باخوس لاقيتو جالب السم
راشح هجير البوس وكل الوجود دم دم
كوركت يا نادوس أم الغبش يا أم
يا نخل يا أبنوس يا سامبا يا تم تم
يالبيك غناي محروس دخري الغلابه هلم
دهمني كم مجروس وعكمت تاني وقم
حمرت في السحب المكبرته
يا دخان يا ريحه يا قواده للبحر المخنس والعساكر والملمس..ما تختشى
بيوضه يا ماخده الخريف ما طمبرت عربانا شي
مستني في الزمن النزيف القال بجي وفات بي وشي
رشت النهار بالصبر أبت المغارب تترشي
دقست سواقي المتعبين كايسالا فيها عقاب عشي
بيوضه آه أواه لو الكلمات حصى
قالت لي الله أقرب فرج
أواه لو الكلمات لهب نرجم به وش زمن القسا
قالت في اطن الليل وهج هدام أمان الناس نسي
دنقرت للأرض السربله بالسراب فرغت بي غلبي العوج
فقدت أيادي العصا شديت حزامات الجلد تالا ضرا الواطه
كوركت صد أرجع يا ولد
طوريه أبوك تراها دي عاند كواريك مشيت طوريه أبويا نراها ديك
لفحوها لمن قام يصلي خطاب بكارات الغمام مغرب صباح ليله دخلتو على البلد
حرق عرق الفي الكلام عطشان سقيت عرق الشديره من المطيره الفي كان حس
العساكر لا ورا قالت لي أجر شدره غنايا جريك ضرايا جريك ضرا قبل العساكر ما
تصل قبل الدرادر ما تبين وكانوا العساكر في وشي قت أقول وقع طينه الجداول
ما ها زي طينه جسارتك يا بلد والكل طين
يا نبوت دقه تفوت و لا حلم يموت
النندق نندق نندق ويفضل باقي لهيب الحق
حق الناس ينزل في الحلق
او ينعارض شوكه حوت
يا كهنوت اليجي كابروت
يا جبوت اليجي كابروت
يا كابروت يا كابروت يا كابروت
كابروت عشم وطن الغلابا الحال بلاك تب ما يسر
ما بان صباح أو عسعست قدامنا ليله تزيدنا ضر
أوتارنا يا آخر الغنا حردان عشياتا النغم
فرغت مجالسنا البلاك عنكب على أبوابنا السأم
أنزح كفانا كضب رياح وبكاء رعود وضحك برق
العشب مالي حشا الأراضي جواهو لمن العش حرق
الشعب حي بس كيفت تصد يملابك المليون عرق
كدبنا في الثرى في رجالك ما فينا زولآ ما عرق
ساوين عصا الأشواق مرق
عربان ونوبا نهاتي بيك والزنج تتمناك عتق
ورا يا وجع هيا يا طلق
صد لي ملامحك يا حراز ريح العوارض غربت
فرتق ضفايرك في الرذاذ جية العصافير قربت
لاقيتا في غابه مدينتي وسط شتيلة حبحبت
على عش صغارا الدوب حبت
ما وقف الليل ولا الهجير كم جفت ريقآ وورتبت
لاقت من العنت الكتير ملت الفيافي أحد أحد
فايده جناحى بلا أطير الموت ولا العيشه النكد
با نيل مدد
يا غيث مدد
ندى دمر نادوس ونشوغا
وخلى الناس الصبحت يوم من حيات الخور ملدوغه
خلى الصوت الكبتو الجوع يلقى براحو يضوع ويضوع
الصوت العالي يا صوت الناس التحت الواطى ما مسموع

الوالي
12-11-2012, 02:38 PM
ا متخبية خلف وضوحك


يا متخبية ...
خلف وضوحك
أمرقي داخُل ..
تلقي الغيم الطاش
إتلقط
لمّه وربَّط ..
ربَّط ونقّط
نقّط ورشّى
الغبن إتفشّى
القابض طينك
وطاب في دوحك

يصحى الشجر اليابس
أخضر
يضحى الأخضر
زائد وأنضر
يرجع طيراً
غِصب إتهجر
وشوش ..
عشعش ..
وعمَّر روحك .

يترى الحلم
الفينا إتحجّر
وندرأ نزوحك
تالا المدن ..
المصّت دمِّك
ودسَّت فوحك
قسّت همِّك
وقصَّت موحك ..

يا متخبية ...
وأنا مفضوحك
رنّة فرحك ..
صنّة ترحك ..
وين ما أقبِّل
ياني بروحك
أي مرتكب الصاح
ونصوحك ..

كَجَر الصمتِ
وكت داهمني
كنت متلبِّس ...
بي غنواتاً ليك
إتكرمن
من سر بوحك
للأطفال
بالزمن الجايي
الزمن الطيِّب
زمن الخير
الجالبة فتوحك
يقفل حرباً ..
باحتة جروحك
وطوفان جدباً
محّن نوحك ..

كبّر طفلك
ونشّن حجرو
قام الصمتِ وكجرو ..
إنكجروا ..؟
إنعدِّيتي ..
وشبّت أزمة

بين فرقات
الضو والعتمة
شقَّ نسيم
لي عِرْق الكتمة
خالَ النخل
العاول طوّل
قال وإستشهد
بي عمَنَوَّل
"المنحوس ..
هجّر تربالك
والمجروس ...
يا الردم الجدول
ودكَّ أطفالك
تحت الردمة

وقامت طلقة ..
تجاه النسمة ..
الساكنة النخل
العالي الأسمى ..
حاض الطير الحامل ..
هجمة
طرح الغيم الشايل ..
صدمة
داخ النحل العامل ..
صُرمة

رجمة ورجمة
في حلقَ الليل
إنشرقت نجمة
رقد النيل هبّود
بالوجمة
نفدت شيمة
بقدرة قادر
طارت غيمة
وصارت باكر
باكر رحمة
مدّت
وندّت
وشدّت
خيل الحيل
بالبسمة
نخل الغبش
الدغش إتلمَّا
الأبنوس الجاسر
يمّة ....؟
هبَّ تبلدي
تحدي وهمّة
وبحر المالح
كبّر وسمَّا
"الأديان
في القلب
يا أمّة
والإنسان
في الدربِ
أهمَّ"

البلد إتحول
بي مسموحك
ناس بتكاتل
لأجل سفوحك
ما يسقيهن
غير فد جدول
جدول
خيرو الخاوي
نضوحك
لا أشواك
تحميك تتجوّل
لا أسلاك
تنصلبط سوحك

يا ممتلية
كجوفي فجيعة
وآخرك أوّل
أو معتلية
كطمي الشوق
القلب الماحل
راحل طوّل
زي دعوات
الناس الظُلَّم
لمّا عليها الغول
إنغوّل

حلمي مدردح
دخري فقارى
إرثو ...
ضكارة
جسارة
بصارة
بإيد كرّاسو
وبي إيد فأسو
لو لا إحساسو
بعزّة ناسو
كان تكَى راسو
زمان وإتسوّل
زولاً طبعو
يفجِّر نبعو
بدّع زرعو
وماسك الأول

سوَّى حضارة
وشرَّف لوحك
شرحو ..
شروحك
مسحو ..
مسوحك
يفقد عطفك
ويأبى ينوحك
غامل يوم
راح ترجعي فيهو
ومجد بنيهو يلاقي
صروحك

جهراً ترجعي
ياوضّاحة
يا مرفوع للقوّة
صمودك
صبر الناس
اليوت كدّاحة
لنضرة عودك

المارقين
الذمّة هجائر
الساكتين
فوق رأي
وبصائر
مطر الحق
بالحيل سحّاحة
ناراً بق
لليل صحّاحة
شالت وجع الحال
في أصفاحه
وتنزف شان
ما تبرى جروحك
وتعبك راحة

شدِّي النيل الأبيض
فرسك
وفيض الأزرق
فينا جموحك
مقداف فألك
ومرسى طموحك
الإنسان اليسمع
بالك
يعرف مالك
يفتح خِزَنو
و يستر حالك
يلفح إجنو
ويقلع نالك
يكتل حزنو
ويروي قموحك
رافع رسنو
وراتعة أمبوحك

تنمسيبو
هديراً طيِّب
وتصحي
خرير الفجر
صبوحك

عشتي آواضحة
وراء مخباكي
ويا متخبية
خلف وضوحك
عشتي أصيلة
كأرضك ونيله
ومرتع واحد
لألفِ قبيلة

يا ال لبنايتِك ..
من غنمايتِك
يوم ما إنطفت النار
في لدايتِك
غيَّر زيرك
ولاّ ملوحك

قدمك قاشر
قطع الفاشر
سمسم باكر
باهي مسوحك

سترة بدنك
قطنة وطنك
طينك سكنك
نبضك مكنك
عرفك فطَنك
تبري جروحك
يا الطوفانك
صدراً ماهل
وشرف العزّة
الأحمر
نوحك
من دعتاية الزمن
الكافر
ينصر دينك
وتسلم روحك

تسلمي واضحة
وراء مخباكي
أو متخبية
خلفِ وضوحك

الوالي
12-13-2012, 10:20 AM
صياعة مع الغفاري وأهل الله في زمن غلط



تستغرب يا رسول الله
يا أول وتاني الخلفاء
تستغرب يا أبذر لو جيت
في هذا الزمن الجهجاه
لو فيكم حد يا حنفاء
إتجاسر وقال ما معناه:
(في الدين الطيب لا إكراه)
وبني آدم أدرى بدنياه
أو أن العالم شركاء
في الكلاء ..النار ... وفي الماء
أو حاول ينصح وينطاول
لي حاكم ظالم وقال لا
يا لاقى جهنم مأواه
فتحولو ترابيس شالا
يا راجع نفسه أقلاه
السيف فوق رأسو مخاواة
بالذات الزيك يا أب ذر
بالذات الزيك لو جاء
راكب دغريتو العرجاء
دايماً غلباوي وغالاط
لخباط للعيشة الخمجاء
بالذات الزيك لو جاء
في زمن الزيف المنشر
والتشريعات العوجاء
يا إنباع يا راجي الراجا
يا واقف فوق عمق الدين
يا شايف لي آخر دنياه
يا طيب ... يا إبن الغبراء
الشركة يسارك يا أب ذر
من إسمك واللا من الذر
الكسحت ديكا كريسيدا
داك سيدا أب دقنا شمطاء
وجيب إيدك يلا النيلين
لو درت تشوف العنقاء
يا صاحب النفس الأمارة
بالوعي الديني المحتارة
دا الدين ... المقلعة ده الدين
والمزرعة من فضل الله
سال سيفك داقش شقيش
قدامك عاين كم ديش
الزمن إندقش دقيش
الأمن .. محاكم التفتيش
في كل المدن العربية
حا تلاقي شدرتك مسبية
يا إنتحرت بي بترودين
وعصفورك منزوع الريش
أجلاف كنزوها بلايين
والناس بي الله ويا آمين
بتحلحل دين الكنتين
تنلفت كايس لي مين
الأمن ... محاكم التفتيش
وأصحابك جوة زنازين
وأسيافن صقروا ما فيش
ما إنبعنا وباعتنا قريش
ولأمريكا وبي حبة عيش
والحاكم قبض البقشيش
سال سيفك داقش شقيش
الأمن ... محاكم التفتيش
جنسيتك...بظبورتك...الفيش
في كل المدن العربية
حا تلاقي النفس العربية
في مصحة أمراض عصبية
بين الحجبات والأرتيل
تنململ شاحبة وصفراء
وقافلاها متاريس الديش
والكضبة عمايل الأمراء
سال سيفك داقش شقيش
إتراجع يا أبن الغبراء
يا صاحب النفس الأمارة
بالثورة القادرة الجبارة
إتراجع وأنسى الفقرا
أمثال العسكر غدارة
زراعك تنفد تتنفض
عمالك منك تتجارى
وكل الكادحين الشرفاء
وراح تفضل وحدك في الدارة
راح تفضل وحدك في البر
لا زوجة لا قطة ولا غطاء
لا تكتل نفس يا أب ذر
سيب خونة مكة وتجارا
إتراجع يا إبن الغبراء
في لجة انكسرت بي السارة
زلقتني عجالة الشعراء
فلقتني من الربذة حجارة
سرقتني بدمي الصحراء
أب ذر لا سمعني ولا تبعني
طبطب على همي بيسراه
وكان دمي إنماذج بدماه
بي دم الغبش الشهداء
من اول وتاني الخلفاء
إتجمع في رسول الله
زي نهر بيحفر مجراه
مصلوب فوق عتب الفيحاء
مجلوب في السوق السوداء
وما صرخت بنت أبي بكر
وا إسلاماه ... وا إسلاماه
كانت هي الأخرى وراء القصر
تنململ بين الدهماء
تجار الدين الساقطين
الجنرالات الجبناء
مكتوفة الأرجل والأيدي
مكفوفة الأعين عميا

الوالي
12-13-2012, 10:34 AM
خوفي من تلحق رفيقك

خوفي من تلحق رفيقك
يا بريق نجم الحيارى
وإنت لا نّور طريقك
لا شرق فجر السهارى
من زمن يا صحوة طلعك
غصة في حلق الصحارى
حتى شال النمة فرعك
دودى زي وهج البشارة
قلنا يا سعد المواسم
عودك المليان جسارة
عودك الفجري المصادم
بالبصيرات والبصارى
مستحيل يرضخ يساوم
مهما كان الريح حصارا
يفضل النخل البقاوم
في السقوط نخل الفقارى
يااندلاع صوت الغفاري
في حلق دغش الغلابا
لو خريفك تاني يطرح
آه يا اخر سحابة
لمايا شرف المواكب
يبقى هم الناس إمارة
تندحر كل المناصب
ينكسر كرسي الوزراة
كنتو وين وين إنتو كنتو
كنتو وين
لما الشوارع ما ثبت قداما مرتق
نفضّت صمت المسافة
مّدت الشوق المضارع
للصباحات التجرتق
كف شهيدا البق مارق
من فرقة الظلمة فجرًا
تم بي دموّ الشرافة وضم حضن الارض عاشق
كنتو وين وين انتو كنتو
لما كان في سجنو ثائر
بي جلابة السونكي نومتو
ويصحى بي امر العساكر
قومتو في الزنزانة يمحى
ويفتح الاف الحناجر
ت.. الاطفال ويكتب انبل الاشعار لباكر
تشطب السجان وصوتو ويبقى فنانا البساسق
كنتو وين . وين انتو كنتو
لما فضل الدين عباية
تربي فوق كتف الغنايا
تنتصب في الجو طوابق
تنقلب في التو بنوكة
للبداهن
والبنافق
والبوافق
لما كان نفس العبايا
تتنفخ بي قدرةحبلا
لي قصار عمر الكحايا
من جُنب تنسلا سيفًا
عبّر السواهو سارق
شدة الفقر الخرافي
حدة الشغل اللي مافي
رُغم الاف المتاجر
والخوازيق والمرافق
كنتو وين انتو كتو
لما البيوت في الشمال قامت خنادق
بالكتابات البتنزل فوق ضهاريهم
مطارق
لما طلاب الحقيقة كانو بختارو المشانق و
بين البنادق
كنتو وين وين انتو كنتو
آه يا وطني المستف
في المطارات القصية
آه يا كفني المنتف
في مدارات القضية
آه يا صمتي المكتف في العبارات الندية
آهي يا نفسي الملطف بالنهارات الصبية
آهٍ من رفع المصاحف بالرماح الاجنبية
المعاطف اجنبية
العواطف اجنبية
الجلاليب اجنبية
الدولايب اجنبية
الدهاليز اجنبية
السراير اجنبية
المساير اجنبية
صبة الكآس اجنبية
ختت الراس اجنبية
رشة الدلكة اجنبية
رعشة الفركة اجنبية
طفية النور اجنبية
والخوازيق
عربية
عربية
عربية
فضي نارك يا محارب
ولا هات البندقية
غني عشقك يا صبية
احنا قدامك مدارك
غني للوطن المفارق
عشت يا وطني المبرق
بالندى ولون المشارق
يامحرق
يامحرّق
يا مجرب
عشت بي شرف البنادق
ويسقط
العفن ال بتلب فوقنا من شُرف الفنادق
يسقط
يسقط

الوالي
12-13-2012, 11:08 AM
center]رسائل ست الدار بت احمد جابر
للزين ود حامد
( تلغرافات )


محمد الحسن حسن سالم (حميد )

( جواب أول )

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير

أم أولادك ست الدار بت أحمد جابر

ست الدار بت أحمد كيفك
جاني جوابك مفتوح شارع
جاني جوابك وانا بتذكر في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله .. فوقي هجير والتحتي بقل
سبي معايا الشردو راجلك .. والحرمونا شوية الضل
سبي الحالة العالة علينا .. حتى احكيلك بالتفصيل
حاصل الحاصل يا بت أحمد
جاني وفد في المصنع زاير .. وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا ... سيرو موكب صامد وصامت
إتضامنا معاهم سرنا ..
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة .. والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع .. مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي .. وكل وجوه الراسمالية
وأشرف من ..............
داك الحين المصنع هاج
جات عربات اللات بوليس .. فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان

( بعد الحاصل والإتحصل ست الدار بت أحمد تكتب ) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض .. بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ام اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر
تلغرافات :
تلغرفين في وقت واحد :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد والواطة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد

الوالي
01-03-2013, 08:19 AM
فووووووووووووووووق

الوالي
02-04-2013, 08:39 AM
ماريل


ﻣﺤﻤﺪ ﺍﻟﺤﺴﻦ ﺳﺎﻟﻢ ﺣﻤﻴﺪ
***************
ﻫﺎ ﻣﺮﺓ ﺍﺧﺮﻱ ﺳﻨﺨﺮﺝ ﻟﻠﺸﻮﺍﺭﻉ ﺷﺎﻫﺮﻳﻦ ﻫﺘﺎﻓﻨﺎ
ﻭﻟﺴﻮﻑ ﺗﻠﻘﺎﻧﺎ ﺍﻟﺸﻮﺍﺭﻉ ﺑﺎﻟﺒﺴﺎﻻﺕ
ﺍﻟﻤﻀﺎﺩﺓ ﻟﻠﻌﺴﺎﻛﺮ ﻭﺍﻟﻤﺴﺎﺧﺮ ﻭﺍﻟﺨﻨﻮﻉ
ﻫﺎ ﻣﺮﺓ ﺍﺧﺮﻱ ﺳﻨﺼﻌﺪ ﻓﻮﻕ ﻫﺬﺍ ﺍﻻﺧﺘﻨﺎﻕ
ﺍﻟﻰ ﻋﻨﺎﻕ ﺍﻟﺒﻨﺪﻗﻴﺔ
ﺳﻴﺪﻱ ﺃﻥ ﺍﻟﺮﺻﺎﺻﺔ ﻣﻮﻋﺪﻱ
ﻟﻼﺣﺘﻔﺎﺀ ﺑﻮﺟﻪ ﻣﺎﺭﻳﻞ ﺍﻟﺤﺒﻴﺒﺔ
ﺍﻭ ﺑﺨﺎﻃﺮ ﻣﺎ ﺍﻛﻮﻥ
ﺍﻟﺴﻼﻡ ﻋﻠﻴﻚ ﻳﺎ ﻭﻃﻨﻲ
ﺍﻟﺼﻼﺓ ﻋﻠﻴﻚ ﻳﺎ ﻃﻴﺐ ﺍﻻﺳﻤﺎﺀ
ﻳﺎ ﻛﻔﻨﻲ ﻭﻳﺎ ﺭﺣﻂ ﺍﻟﺠﻤﻮﻉ
ﻫﺎ ﻣﺮﺓ ﺍﺧﺮﻯ ﻧﻌﺘﺰﻝ ﺍﻟﻘﺼﺎﺋﺪ
ﺣﺴﺒﻨﺎ ﺍﻟﻮﻃﻦ ﺍﻟﻤﻀﺮﺝ ﺑﺎﺭﺗﺤﺎﻝ ﺍﻟﻄﻴﺮ
ﻋﻦ ﺷﺠﺮ ﺗﻴﺒﺲ ﻣﺎﺗﻴﺒﺲ
ﻛﻢ ﺗﺸﺒﺲ ﻣﺎ ﺗﺸﺒﺲ
ﻛﻢ ﺗﺠﺎﺳﺮ ﺛﻢ ﻣﺎﺕ
ﻭﻣﺎ ﺗﺬﻛﺮ ﻟﻠﻨﺠﻮﻉ
ﻳﺎ ﺍﻳﻬﺎ ﺍﻟﻤﺎﺿﻮﻥ ﻓﻲ ﺷﻔﻖ ﺍﻟﻤﺸﺎﺭﻕ
ﺑﺎﻟﺒﻴﺎﺭﻕ ﻭﺍﻟﺒﺮﻳﻖ
ﻳﺎ ﺍﻳﻬﺎ ﺍﻵﺗﻮﻥ ﻣﻦ ﺻﺪﻑ ﺍﻟﺠﺴﺎﺭﺓ
ﺑﺎﻟﺴﺤﺎﺋﺐ ﻭﺍﻟﺤﺮﻳﻖ
ﺿﻴﻘﻮﺍ ﻟﻴﺘﺴﻊ ﺍﻟﻄﺮﻳﻖ
ﻫﺬﻩ ﺍﻟﺸﻮﺍﺭﻉ ﻻ ﺗﺨﻮﻥ
ﻫﻲ ﺍﻟﺸﻮﺍﺭﻉ ﻋﻠﻤﺘﻨﺎ ﺍﻥ ﻧﻔﻴﻖ
ﺍﻥ ﻧﺒﺮ ﺍﻟﺒﺮﺗﻘﺎﻟﺔ ﺃﻭ ﻧﻤﻮﺕ ﻓﺪﺍﺀﺍ ﻟﻠﺮﺣﻴﻖ
ﻣﺎﺭﻳﻞ ﻳﺎ ﻏﺎﺑﺔ ﺍﻷﺑﻨﻮﺱ ﻳﺎ ﺟﺮﺡ ﺍﻟﺘﺒﻠﺪﻱ
ﻳﺎ ﻓﻨﺎﺭﺍﺕ ﺍﻟﻤﻮﺍﻧﻲ ﻳﺎ ﻧﺨﻴﻞ
ﻳﺎ ﻣﻠﺔ ﺍﻟﺼﺮﻋﻰ ﻭﺍﺑﻨﺎﺀ ﺍﻟﺴﺒﻴﻞ
ﻳﺎ ﺍﺧﻮﺓ ﺍﻟﺸﻌﺮﺍﺀ ﻣﻦ ﻫﺬﺍ ﺍﻟﻘﺒﻴﻞ
ﻳﺎ ﺍﺧﻮﺗﻲ ﺍﻟﺠﻮﻋﻰ ﻟﻨﺤﺘﻞ ﺍﻟﻤﻮﺍﺋﺪ
ﺛﻢ ﺩﻭﺭ ﺍﻟﻨﺸﺮ ﻭﻧﻨﺸﺮ ﺻﻮﺭﺓ ﻻﻟﻬﻨﺎ
ﻓﻲ ﺍﻟﺼﻔﺤﺔ ﺍﻻﻭﻟﻲ ﻭﻧﻜﺘﺐ ﺗﺤﺘﻬﺎ
ﻣﺎﺭﻳﻞ ﺗﻨﻬﺸﻬﺎ ﺍﻟﻤﺴﺎﺧﺮ
ﻭﺍﻟﺬﻣﻢ ﺍﻟﻤﺂ ﻣﺮﻛﺔ ﺍﻟﺒﻐﻴﻀﺔ
ﻭﺍﻟﺸﻌﺮ ﺍﻟﻤﻄﻔﻒ ﻭﺍﻟﺒﻌﻮﺽ .. ﺍﻟﺴﻞ
ﻭ ﺍﻵﺳﻒ ﺍﻟﻌﻤﻴﻖ ﻭﻻ ﺗﻤﻮﺕ
ﻣﺎﺭﻳﻞ ﻛﺎﻧﺖ ﺗﺴﺘﻌﻴﺬ ﺑﺄﻏﻨﻴﺎﺕ ﺍﻟﻜﺪﺡ
ﻛﺎﻧﺖ ﺗﺴﺘﻌﻴﺪ ﻣﺸﺎﺣﻨﺎﺕ ﺍﻟﻌﺮﺑﺠﻴﺔ
ﺑﺎﺋﻌﺎﺕ ﺍﻟﺨﺒﺰ ﻗﺮﺏ ﺍﻟﺸﺎﺣﻨﺎﺕ
ﻣﺎﺭﻳﻞ ﻓﻮﻕ ﺍﻟﺠﺮﺡ ﻛﺎﻧﺖ ﺗﺴﺘﺠﻴﺮ
ﺍﻟﻘﻤﺢ ﻳﻤﺮﻕ ﻣﻦ ﻧﻔﻮﺱ ﺍﻷﻧﻘﻴﺎﺀ
ﺍﻟﻘﻤﺢ ﻳﺪﺧﻞ ﺣﺸﺮﺟﺎﺕ .. ﺣﺸﺮﺟﺎﺕ .. ﺣﺸﺮﺟﺎﺕ
ﻓﺎﻟﻘﻤﺢ ﻳﺰﺭﻋﻪ ﺍﻟﺸﻴﻮﺥ ﺍﻟﺰﻳﻒ ﻓﻲ ﺑﺎﺏ ﺍﻟﻜﻨﺴﻴﺔ
ﺑﻴﻦ ﻳﺎﻗﺎﺕ ﺍﻟﺒﻨﻮﻙ ﺍﻟﺼﻔﺮ ﻓﻲ ﺟﺮﺱ ﺍﻟﻜﻨﻴﺴﺔ
ﻭﻛﻞ ﺍﻟﻌﺎﻣﻠﻴﻦ ﻟﺪﻯ ﺍﻟﻮﻛﺎﻟﺔ ﺯﺍﺭﻋﻮﻥ
ﺍﻟﺴﺎﺳﺔ ﺍﻟﻤﺘﺎﻛﻔﻮﻥ ﻋﻦ ﺍﻟﺨﺴﺎﺳﺔ
ﻳﻌﺮﻓﻮﻥ ﺍﻟﻘﻤﺢ ﻓﻲ ﺣﻘﻞ ﺍﻟﺴﻴﺎﺳﺔ ﻣﺮﺗﻴﻦ
ﺍﻟﻘﻤﺢ ﻳﺰﺭﻉ ﻓﻲ ﺍﻟﺸﺘﺎﺀ ﻭﻓﻲ ﺍﻟﺮﺑﻴﻊ
ﺍﻟﻘﻤﺢ ﻳﺤﺼﺪ ﻻﻧﺘﺨﺎﺑﺎﺕ ﺍﻟﺮﺋﺎﺳﺔ
ﻣﺎﺭﻳﻞ ﺣﺪﺛﻨﺎ ﺻﺒﺎﻳﺎ ﺍﻟﺤﻰ
ﻭﺍﻟﻔﺘﻴﺎﺕ ﺟﻠﺒﻦ ﺍﻟﺪﻻﻟﻴﻚ ﻟﻚ ﺍﻟﻐﻨﺎﺀﺍﻟﺒﻼﺑﻞ
ﻭﺍﻃﻠﻘﻨﺎ ﺍﻟﺤﻨﺎﺟﺮ
ﻭﻃﻨﻲ ﻟﻠﺼﺒﺮ ﺍﺧﺮ
ﻳﺴﻘﻂ ﺍﻟﺼﺒﺮ ﻭﻳﺤﻴﺎ ﺁﻝ ﻳﺎﺳﺮ
ﻗﻤﻨﺎ ﻧﻘﺮﺷﻨﺎ ﺍﻟﺠﺮﻳﺪ
ﺍﻻﻣﻬﺎﺕ ﺿﻔﺮﻧّﺎ ﺑﺮﺵ ﻓﻲ ﺍﻻﺻﻴﻞ
ﻣﻶﻧﺎ ﺑﺎﻟﻤﺎﺀﺍ ﻟﺠﺮﺍﺭﺓ
ﺍﺧﺬﻧﺎ ﻣﻦ ﺗﻤﺮ ﺍﻟﺨﻮﺍﺑﻲ ﻗﺒﻀﺘﻴﻦ
ﻭﺍﻧﻄﻠﻘﻨﺎ ﻟﺤﺪﻳﺚ ﺟﺎﻧﺒﻲ
ﻣﺎﺭﻳﻞ ﻛﻨﺘﻲ ﺗﻘﺘﺮﺣﻴﻦ ﻟﻠﺸﺠﺮ ﺍﻟﺘﺸﺒﺲ ﺑﺎﻟﺘﺮﺍﺏ
ﻭﻟﻠﻌﺼﺎﻓﻴﺮ ﺍﻟﺘﻤﺴﻚ ﺑﺎﻟﻐﻨﺎﺀ
ﻭﻟﻠﺮﻳﺎﺡ ﺍﻻﻧﻄﻼﻕ ﻟﻠﻢ ﺍﺷﺘﺎﺕ ﺍﻟﻐﻴﻮﻡ
ﻭﺣﺸﺪ ﺍﻳﻘﺎﻉ ﺍﻟﻔﺼﻮﻝ ﻭﺷﺤﺬ ﺣﻨﺠﺮﺓ ﺍﻟﺮﻋﻮﺩ
ﻭﺑﺪﺀ ﻛﻮﺭﺍﻝ ﺍﻟﻤﻄﺮ
ﻣﺎﺭﻳﻞ ﻳﺎ ﺭﻳﺎﺡ ﺍﻻﺭﺑﻌﺎﺀ ﻭﻳﺎ ﺑﺮﻭﻕ ﺍﻻﺭﺑﻌﺎﺀ
ﻭﻳﺎ ﺭﻋﻮﺩ ﺍﻻﺭﺑﻌﺎﺀ ﻭﻳﺎ ﻣﻄﻮﺭ ﺍﻻﺭﺑﻌﺎﺀ
ﺑﺤﻖ ﻣﺎﺭﻳﻞ ﺍﻟﺠﻤﻴﻠﺔ ﻛﻴﻒ ﻛﻴﻒ ﻳﻨﺸﻖ ﺍﻟﻘﻤﺮ
ﺃﻭ ﻛﻴﻒ ﻣﺸﻌﻠﺔ ﺍﻟﻄﺮﻳﻖ
ﺗﺄﺗﻲ ﻣﻜﺒﺮﺗﺔ ﺑﺪﺧﺎﻥ ﺍﻟﻤﺼﺎﻧﻊ
ﺃﻭ ﺑﻲ ﺑﻮﺥ ﺍﻟﻜﺎﺩﺣﻴﻦ
ﺗﺒﺪﻭ ﻛﺴﻨﺒﻠﺔ ﺍﻹﺑﺎﺀ ﻋﻠﻰ ﺟﺒﺎﻩ ﺍﻟﻔﺎﺗﺤﻴﻦ
ﻣﺪﺍﺋﻦ ﺍﻟﻌﺼﻔﻮﺭ ﺑﺎﻟﻄﺒﺸﻮﺭ
ﻭﺍﻟﻨﻐﻢ ﺍﻟﻤﻌﺘﻖ ﻓﻲ ﺣﻠﻮﻕ ﺍﻟﻌﺎﺷﻘﻴﻦ
ﻣﺎﺭﻳﻞ ﺗﻮﻟﺠﻨﺎ ﺑﻬﺬﺍ ﺍﻟﻤﺪ
ﺗﺨﺮﺝ ﻟﻬﺬﺍ ﺍﻟﻨﻴﻞ ﻧﻴﻼ ﻣﻦ ﺟﺪﻳﺪ
ﻣﺎﺭﻳﻞ ﺗﻮﻟﺠﻨﺎ ﻭﻧﺨﺮﺝ ﻣﻦ ﺍﺻﺎﺑﻌﻬﺎ
ﻫﺘﺎﻓﺎً ﺻﺎﻗﻌﺎً ﻭﺷﻌﺎﻉ ﻣﺮﺣﻠﺔ
ﻻﻧﺠﺎﺯ ﺍﻟﻀرير لنشق الادعياء